بانگ راچان وستی دی جنگ 1765

بانگ راچان دی وستی ایوتھایا دے اُبھے پاسوں ہئی ، جیڑھا سیام دا پراݨا راڄ ڳڑھ ہئی ، اتے ایہو اڄوکے تھائی لینڈ دی ابتدائی ریاست ہئی ۔ اڄ انہاں دی وستی سنگ بوری صوبے دے کھائی بانگ راچان ضلعے وچ واقع ہے ۔ ایں وستی کوں تھائی لوک تاریخ وچ برمی-سیامی جنگ (1765-1767) وچ برمی حملہ آوراں دے خلاف اپݨی مزاحمت دی وجہ توں یاد کیتا ویندے ، جیندے نال ایوتھایا بادشاہی دا خاتمہ تھیا ۔

ایں جنگ وچ بانگ راچان وستی دے لوکاں برمی فوج دے خلاف دلیری نال مقابلہ کیتا ۔ اوں ویلھے برمی فوج ایوتھایا بادشاہی تے حملہ کریندی پئی ہئی اتے او ایوتھایا دے راڄ ڳڑھ تے قبضہ کرݨ دی کوشش کریندے پئے ہن ۔

بانگ راچان وستی دے لوکاں دی تعداد برمی فوج توں ٻہوں گھٹ ہئی ، پر او اپݨے وطن دے دفاع کیتے پرعزم ہن ۔ انہاں گوریلا جنگ دی حکمت عملی استعمال کیتی اتے برمی فوج تے اچݨ چیت حملے کیتے ۔

بانگ راچان وستی دے لوکاں برمی فوج کوں باری نقصان پڄایا اتے انہاں دے حوصلے پست کر ݙتے ۔ پر ، چھیکڑبازی برمی فوج بانگ راچان وستی تے قبضہ کرݨ وچ کامیاب تھی ڳئی ۔

بانگ راچان وستی دی جنگ سیام دی تاریخ وچ ہک اہم واقعہ ہئی ۔ ایں جنگ وچ بانگ راچان وستی دے لوکاں دی دلیری تھائی لوکاں دے حوصلے کوں ودھایا اتے انہاں کوں برمی فوج دے خلاف مزاحمت جاری رکھݨ دی اُشاکی ݙتی ۔ ایں جنگ ثابت کیتا کہ تھائی لوک اپݨے وطن دے دفاع کیتے ہر قربانی ݙیوݨ کیتے تیار ہن ۔