بالو

بالو ہک آثار قدیمہ دا ٹھیڑھ ہے جیڑھا سن٘دھ وادی دی تہذیب نال ڳن٘ڈھیل ہے، ایہ ہن٘دوستانی ریاست ہریانہ وچ کیتھل شہر توں لڳ بھڳ 22 کلومیٹر (14 میل) لموں واقع ہے۔ ایں وسن٘دی وچ کئی ذاتاں رہن٘دیاں ہن، جنہاں وچوں زیادہ تر ڄٹ (خاص طور تے بیدھان، راپریا، بورا) ہن۔ ایہ ہریانہ دیاں وݙیاں وستیاں وچوں ہِک ہے تے این٘دے ترائے سرپن٘چ ہن۔ مردم شماری 2011 دے مطابق، بالو دی آبادی تقریباً 18,000 ہے اتے تقریباً 2,800 گھر موجود ہن۔ وستی وچ ہسپتال، پاور ہاؤس، سکول اتے ٹرانسپورٹ سروسز سمیت کئی سہولتاں موجود ہن۔ زیادہ تر وستی دے لوک رڄ کڄ نال صحت مند ماحول وچ رہن٘دے ہن۔ اتھاں لڳ بھڳ 10 سکول، ہک چھوٹا ہسپتال، پاݨی دی ٹین٘کی، لائبریری اتے اناج من٘ڈی سمیت گراؤن٘ڈ موجود ہن۔

تاریخی اہمیت

ایہ ہک چھوٹی قلعہ بن٘د وستی ہے جتھوں گھاہ ٻوٹ دے کئی آثار مِلے ہن۔ وستی کوں بہادر ترین وستیاں وچوں ہِک سمجھیا وین٘دے اتے پچھوکڑ وچ پٹیالہ دے بادشاہ کوں لڑان٘ڈ وچ شکست ݙیوݨ کیتے مشہور ہے۔

گھاہ ٻوٹ دیاں بچران٘داں

اتھاں مِلݨ والیاں چیزاں وچ جَو، کݨک، چاول، چݨا، مون٘گ، کئی ونکیاں دے مٹر، تِل، خربوزہ، ہن٘دواݨہ، ان٘گور، کھجوراں، تھوم وغیرہ شامل ہن۔ جیڑھے جو ہریانہ دے نیڑے دے سن٘دھ وادی دے ٹھیڑھ کونال نال رلدے ملدے ہن۔

قدیم ترین تھوم

اتھاں مِلݨ والیاں گھاہ ٻوٹ دیاں لبھتاں وچ تھوم دا ہِک نمونہ وی شامل ہے، جین٘کوں تھوم دا قدیم ترین ثبوت منیا ڳیا ہے۔ ایہ لمے اتے لمے پوادھی ایشیا وچ تھوم دے ڳن٘ڈھیاں دے قدیم ترین ثبوت ہن ۔