باقر مستانہ
اصل ناں باقر حسین
قلمی ناں باقرؔ مستانہ
جمن 1954ء
تعلیم ایم اے (اسلامیات)
پیشہ ریٹائر معلم
فون نمبر 0303 6312136
جاہ پتہ محلہ قاضیاں سیت پور تحصیل علی پور ضلع مظفر ڳڑھ
باقرؔ مستانہ دا تعلق ضلع مظفر ڳڑھ دے تاریخی قصبہ سیت پور نال ہے۔آپ15اپریل1954ء کوں فدا حسین خان گوپانگ دے گھر پیدا تھئے ، تعلیمی قابلیت ایم اے (اسلامیات ہن۔شعر و شاعری دا شوق بچپن توں ہا پیا ، ول چونکہ انہاں کوں محکمہ تعلیم اچ پڑھئے لکھئے ادبی لوکاں دا ماحول میسر آیا، جیندے نال انہاں دی شعر و شاعری اچ وسعت تے نکھار پیدا تھیا۔باقر مستانہ سرائیکی شاعری دیاں تمام مروّجہ اصناف اچ طبع آزمائی کیتی ہے ، آپدیاں نظماں ’’ نویں تہذیب‘‘ تے ’’ ڈسکو‘‘ بٖہوں مشہور تھیاں ۔جتھوں تک آپ دی غزل دا تعلق ہے تاں خوبصورت غزل لکھدن۔ نمونہ کلام حاضر ہے۔
غزل
[لکھو | ماخذ وچ تبدیلی کرو]دل میڈٖا دلربا دی زد وچ ہے
گھر ہے ککھیں دا بھا دی زد وچ ہے
روز کُسدا ہاں سرخرو تھینداں
زندگی کربلا دی زد وچ ہے
جئیں اُساریئے محل وفاواں دا
او بچارا جفا دی زد وچ ہے
گھگھ اندھارے کوں روشنی ملسے
حالی ڈٖیوا ہوا دی زد وچ ہے
موت محشر دے ڈٖینہ قتل تھیسے
خود قضا وی فنا دی زد وچ ہے
خواہشاں دا انبار ہے باقرؔ
آس شودی دعاء دی زد وچ ہے