بارش کینویں تھیندی ہے

بارش کینویں تھیندی ہے

بارش اوں ویلے تھیندی ہے جݙاں ہوا وچ موجود پاݨی دی بھاپ (vapor) گھاٹی تھی تے پاݨی دے قطرے بݨ ویندی ہے، ایہ قطرے اِتنے وݙے تھی ویندن جع ہوا انہاں کوں چا نی سڳدی تے وت اوہ زمین تے ورسن شروع تھی ویندن۔

اتے پاݨی دی بھاپ (vapor) کیویں ویندی اے؟ اے نظام اِیں طرح چلدا اے

اُسار (Evaporation)

سجھ دی تپش نال دریاویں، جھیلاں، تے سمندراں دا پاݨی بھاپ بݨ تے اُتے ویندا ہے۔ رُکھ تے ٻوٹے وی آݨے پتیاں توں پاݨی کوں بھاپ بݨا تے ہوا وچ چھوڑیندن۔

اُچائی تے ٹھڈک (Cooling at Height)

جیویں جیویں بھاپ اُتے ویندی یے، ایہ ٹھݙی تھیندی ویندی ہے۔

گاڑھا تھیوݨ (Condensation)

ٹھڈک دی وجہ توں پاݨی دی بھاپ پاݨی دے ننھے ننھے قطریاں تے برف دے ذراّت وچ تبدیل تھی ویندی اے۔ اے ذرّات ہوا وچ موجود مِٹی دے ذرّیاں نال رل کے ٻَدل بݨیندن۔

بارش (Precipitation)

جݙاں ٻَدلاں وچ پاݨی دے قطرے ٻہوں وَݙے تھی ویندن تے ہوا انہاں کوں چاݨ دے قابل نئیں رہندی تاں او بارش دی صورت وچ زمین تے وٹھݨ شروع تھی ویندن۔ بعض اوقات درجہ حرارت ٻہوں گھٹ ہووݨ دی وجہ توں اے پاݨی جم کے برف دی شکل اختیار کر گھِندا اے تے وت اولے وی پوندن۔

اے ہئی بارش تھیوݨ دا سارا حساب کتاب۔

شان سرائیکی