بارش
بارش(انگریزی:Rain) اینکوں مینہہ وی آکھیا ویندے۔ بارش اوں ویلے تھیندی ہے جݙاں فضا وچ موجود پاݨی دے قطرے اتنے بھارے تھی ون٘ڄن جو انہاں کوں ہوا وچ ٹِکئی تے رکھݨ ممکن نہ راہوے۔ بارش پاݨی دا ہک وݙا ذریعہ ہے، جیڑھا زمین،وݨاں،ٻوٹیاں اَتے زناوراں کوں پاݨی ݙیندے۔ بارش دی بوچھاڑ زمین تے پوندے ای مٹی وچ رَل ویندی ہے تے رڑھ کوں سیراب کریندی ہے۔
بارش تھیوݨ دا عمل
[لکھو | ماخذ وچ تبدیلی کرو]بارش تھیوݨ دے عمل وچ کجھ اہم مرحلے شامل ہوندن:
1. بخارات بݨݨ (Evaporation): سِجھ دی گرمی نال زمین تے موجود پاݨی بھاپ بݨ تے ہوا وچ رل ویندا ہے۔
2. پاݨی دے بخارات دا قطراں دی شکل اختیار کرݨ(Condensation): اُتے ون٘ڄ کے ایہہ پاݨی دی بھاپ ٹھݙی تھی تے پاݨی دے نِکے نِکے قطرے بݨ ویندی ہے۔ ایہہ قطرے ہوا وچ موجود دھول تے نمک دے ذرات نال رل کے بدّلاں دی شکل اختیار کر گھندے ہن۔
3. بارش (Precipitation): جݙاں بدّلاں وچ پاݨی دے قطرے اتنے بھارے تھی ویندے ہن جو او ہوا وچ ٹِک نئیں سڳدے، تاں او بارش دی شکل وچ زمین تے پوندے ہن۔
بارش دیاں قِسماں
[لکھو | ماخذ وچ تبدیلی کرو]بارش مختلف قِسماں دا ہوندی ہے:
- موسمی بارش: ایہہ بارخ گرم علاقیاں وچ گرمی دی وجہ توں تھیوݨ والے بخارات دے نتیجے وچ تھیندی ہے۔
- پہاڑی بارش: ایہہ مینھ اوں ویلے تھیندی ہے جݙاں ہوا پہاڑاں نال ٹکریندی ہے تے اُتے چڑھدی ہے۔ ایہہ اُتے ونڄ تے ٹھݙی تھی ویندی ہے تے بارش وسیندی ہے۔
- سائیکلونیک بارش: ایہہ بارش گھٹ پریشر دے علاقیاں وچ تھیندی ہے، جتھاں ہوا گھمدی ہے تے اُتے چڑھدی ہے، جیندے نال بارش وسیندی ہے۔
- ژالہ باری: برف دے ٹکڑیاں دی شکل وچ بارش تھیندی ہے، ایہ اکثر سخت بارش دے نال تھیندی ہے۔
بارش دے اثرات
[لکھو | ماخذ وچ تبدیلی کرو]بارش دے زمین تے ٻہوں سارے اثرات ہوندے ہن:
- رڑھ دی آبپاشی: بارش رڑھ کوں سیراب کریندی تے انہاں دے ودھݨ وچ مدد ݙیندی ہے۔
- پاݨی دے ذخائر: بارش دریاواں، ٹوبھاں تے زیر زمین پاݨی دے ذخائر کوں بھریندی ہے۔
- آب و ہوا: بارش آب و ہوا کوں ٹھݙا رکھݨ وچ مدد ݙیندی تے موسم کوں کنٹرول کریندج ہے۔
- مٹی کوں گھاٹا: کݙاہیں زیادہ بارش نال مٹی کٹ ویندی ہے اتے چھل وی آ ویندن۔
بارش دا انسانی ثقافت وچ کردار
[لکھو | ماخذ وچ تبدیلی کرو]بارش دا انسانی ثقافت وچ وݙا کردار ہے۔ ٻہوں سارے لوک اینکوں خوشحالی دی نشانی سمجھدے ہن۔ ٻہوں ساری ثقافتاں وچ بارش نال جُڑی ہوئی مذہبی رسومات تے تہوار وی منائے ویندے ہن۔بارش کئی لوک گیت، کہاݨیاں اتے شاعری دا موضوع وی بݨیا ہویا ہے۔
بارش دی پیمائش
[لکھو | ماخذ وچ تبدیلی کرو]مینھ کوں پیمائش کرݨ کیتے رِین گیج (Rain gauge) استعمال کیتا ویندا ہے۔ ایہہ ہک خاص قسم دا برتن ہوندا ہے جیہڑا بارش دے پاݨی دی مقدار کوں نپیندا ہے۔ ایں توں پتہ لڳدا ہے جو کتنی بارش تھئی ہے۔
بارش تے موسمیاتی تبدیلی
[لکھو | ماخذ وچ تبدیلی کرو]موسمیاتی تبدیلی دی وجہ نال بارش دے نظام وچ وی تبدیلیاں آندیاں پیاں ہن۔ دنیا دے کجھ حصیاں وچ بارش دی مقدار گھٹدی پئی ہے، جݙاں کہ کجھ حصیاں وچ ودھدی پئی ہے۔ اِنہاں تبدیلیاں دا اثر زراعت تے پاݨی دے وسائل تے پعندا ہے۔