بارباروسا آپریشن 1941

آپریشن بارباروسا 1941

آپریشن بارباروسا ݙوجھی عالمی جنگ دے دوران 22 جون 1941 کوں نازی جرمنی اتے ایندے کئی یورپی اتحادی ملکاں ولوں سوویت یونین تے حملہ ہئی ۔ 3.8 ملین توں ودھ اتحادی فوجاں 2,900 کلومیٹر (1,800 میل) دے محاذ تے مغربی سوویت یونین تے حملہ کیتا ، جیندے وچ ارخانگیلسک اتے آستراخان دے درمیان ہک لکیر تک علاقے تے قبضہ کرݨ دا وݙا مقصد ہئی ، جینکوں اے-اے لائن دے ناں نال ڄاݨیا ویندے ۔ ایہ حملہ تاریخ دی سب توں وݙی اتے مہنگی فوجی مہم بݨ ڳیا ، جیندے وچ ابتدائی مرحلے وچ تقریباً 10 ملین جنگجوواں حصہ گھدا اتے 5 دسمبر 1941 کوں آپریشن دے اختتام تک 8 ملین توں ودھ ہلاکتیاں تھئیاں ۔ ایں حملے ݙوجھی عالمی جنگ وچ وݙا اضافہ کیتا ، پوادھی محاذ کھول ݙتا ۔ جیڑھا تاریخ دا سب توں وݙا اتے مہلک زمینی جنگی محاذ ہئی ۔ اتے سوویت یونین کوں اتحادی طاقتاں وچ شامل کر ݙتا ۔

ایں حملے وچ نازی جرمنی اتے ایندے اتحادی ملکاں سوویت یونین تے اچݨ چیت حملہ کیتا ۔ جرمنی دا مقصد سوویت یونین تے قبضہ کرݨا اتے اپݨی بادشاہی کوں ودھاوݨا ہئی ۔ جرمنی دا خیال ہئی کہ سوویت یونین کوں جلدی شکست ݙتی ونڄ سڳدی ہے ۔

جرمن فوج سوویت یونین دے اندر تیزی نال وِکھ ودھائی کیتی اتے کئی وݙے شہراں تے قبضہ کر گھدا ۔ پر ، سوویت فوج سخت مزاحمت کیتی اتے جرمن فوج کوں پچھوں تے دھکیلݨ وچ کامیاب رہی ۔

سوویت یونین وچ سخت سردی جرمن فوج کیتے وݙا مسئلہ بݨ ڳئی ۔ جرمن فوج سردی نال نبڑݨ کیتے تیار نہ ہئی اتے انہاں کوں باری نقصان تھیا ۔ سوویت فوج سردی دا فائدہ چیندے ہوئے جرمن فوج تے جوابی حملے کیتے ۔

آپریشن بارباروسا ݙوجھی عالمی جنگ وچ ہک اہم موڑ ثابت تھیا ۔ ایں حملے جرمنی دی طاقت کوں کمزور کر ݙتا اتے سوویت یونین کوں اتحادی طاقتاں وچ شامل کر ݙتا ۔ ایں حملے دے نتیجے وچ جرمنی کوں باری نقصان تھیا اتے سوویت یونین ݙوجھی عالمی جنگ جتݨ وچ اہم کردار ادا کیتا ۔ ایں جنگ پوادھی محاذ کھول ݙتا ، جیڑھا ݙوجھی عالمی جنگ دا سب توں مہلک محاذ ثابت تھیا ۔