بادشاہی عید گاہ ملتان
بادشاہی عید گاہ ملتان دی تریخ 300سال ہے، مغلیہ طرز دی یادگار عظیم الشان بادشاہی عید گاہ والیٔ ملتان نواب عبدالصمد خان تورانی 1735ء اِچ بݨوائی۔ عید گاہ کوں ہردور وچ احترام تے شرف حاصل رہ ڳے پر 1818ء وچ جݙاں سکھاں ملتان تے چڑھائی کیتی تاں عیدگاہ تے مسیت کوں سکھ فوجیں اپݨی کمین گاہ بݨایا، گھوڑے وچ واڑ ݙتے ، اسلحے دا ڈپو بݨایا تے ایں مقدس جاہ کوں اپݨے حرام زدگیں سانگے ورتیا۔ سکھیں دے بعد عیدگاہ ولا مسلمانیں کول آئی تے ایکوں پاک صاف کیتا ڳیا۔ آکھیا ویندے جو جݙاں سپیکر آئے تاں سپیکر دی پہلی آواز شاہی مسجد عیدگاہ ملتان وچوں گونجی ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء