بابر کوٹ

بابر کوٹ ہک آثار قدیمہ دا ٹھیڑھ ہے جیڑھا سن٘دھ وادی دی تہذیب نال تعلق رکھدے، اتے گجرات، ہن٘دوستان دے سوراشٹر علاقے وچ واقع ہے۔ ایہ احمد آباد توں 325 کلومیٹر، بھاون نگر توں 152 کلومیٹر تے راجولا توں 15 کلومیٹر دے فاصلے تے جعفرآباد تعلقہ وچ واقع ہے۔

کھاٹی

یونیورسٹی آف پنسلوانیا دے گریگوری پوسہل ایں ٹھیڑھ دے نال نال روجڈی اتے اوریو ٹمبو تے وی تفصیلی پرکھ پرچول کیتی ہے۔

تاریخی اہمیت

ایں ٹھیڑھ کوں پچھلے ہڑپائی دور نال تعلق رکھݨ آلے ٹھیڑھ دے طور تے درجہ بن٘دی کیتی ڳئی ہے تے ایہ لڳ بھڳ 2.7 ہیکٹر تے کھن٘ڈیا ہویا ہے۔ بابر کوٹ وچ پتھر دی ہک قلعہ بن٘دی دی کن٘دھی موجود ہئی۔

گھاہ ٻوٹ دیاں لبھتاں

ایں ٹھیڑھ توں مِلݨ والیاں چیزاں وچ ٻاجھری، چݨے سمیت ٻنہاں ٻوٹیاں دے آثار لبھئے ہن۔ این٘دے علاوہ اِیہ وی پتہ لڳدے جو ٻاجری شئیت ایں ٹھیڑھ تے تریجی صدی قبل مسیح دے دوران موجود ہئی۔ ‎وکھر نمونیاں دا استعمال کرین٘دے ہوئیں ہِک آثار قدیمہ دی پرکھ پرچول نال بابر کوٹ وچ ݙو فصلاں دے ثبوت ملے ہن، ہک ہنالے دی فصل تے ݙوجھی سیالے دی رڑھ۔

زناوراں دیاں لبھتاں

ایں ٹھیڑھ توں مِلݨ والیاں چیزاں وچ مال ڈھڳی، ٻکریاں، بھیݙاں اتے سوراں سمیت زناوراں دے کرن٘گے وی ملئے ہن۔ ہِک آثار قدیمہ دی پرکھ پرچول نال کن٘ڳݨی (eleucine coracana) دے ثبوت ملے ہن، جیڑی شئیت زناوراں کیتے گھاہ پٹھے دے طور تے استعمال تھین٘دی ہئی۔