بابرہ شریف

بابرہ شریف
معلومات شخصیت
پیدائش	10 دسمبر 1954ء (71 سال)  لاہور
شہریت	پاکستان
عملی حیاتی
پیشہ	اداکارہ ،  ماڈل
اعزازات
نگار اعزاز
	IMDB پر صفحہ

بابرہ شریف (اردو: بابرہ شریف، کنوں) ہِک پاکستانی فلمی اداکارہ ہِن جہڑی 10 دسمبر 1954ء کوں ڄَمّی ہَئی۔ ستّر اَتے اسّی دے ݙہاکے وِچ اُوہ فلمی کرداراں دی وجہ کنوں سُن٘جاݨی وین٘دی ہِن۔ ٹی وی کَم کار دا اَغاز انّھاں نے ٹی وی اشتہاراں نال کِیتا۔ انّھاں نے آپݨے زمانے دے سارے مشہور ہیروز دے نال کَم کِیتا جنّھاں وِچ شاہد، ندیم، وحید مراد، غلام محی الدین، محمد علی، اَتے سلطان راہی شامل ہِن۔ اُوہ پاکستان وِچ اردو فلماں وِچ ٻہوں کامیاب رہی اَتے آپݨاں لوہا ہِک منفرد اداکارہ دے طور تے منوایا۔ کُجھ نقاداں دے نزیک اُوہ آپݨے وقت دی پاکستان دی بہترین اداکارہ ہَئی ۔ بابرہ نے 100 کنوں وَدھ فلماں وِچ کَم کِیتا۔

حیاتی دا احوال

بابرہ شریف لاہور وِچ ہِک متوسط ٹٻّر وِچ ڄَمّی ہَئی۔ نِکّے لاء کنوں ای انّھاں نے شوبز وِچ غیر معمولی دلچسپی ݙکھائی۔

ایوارڈز

بابرہ نے 8 واری نگار ایوارڈ جِتّیا ۔

• 1975 وِچ نگار ایوارڈ دی طرفوں فلم میرا نام ہے محبت اُتے خصوصی ایوارڈ
• 1976 وِچ شبانہ فلم تے بہترین اداکارہ دا ایوارڈ
• 1982 وِچ سنگ دل فلم پر بہترین اداکارہ دا ایوارڈ
• 1984 وِچ مس کولمبو فلم تے بہترین اداکارہ دا ایوارڈ
• 1986 وِچ مس بنکاک فلم تے بہترین اداکارہ دا ایوارڈ
• 1987 وِچ کندن فلم تے بہترین اداکارہ دا ایوارڈ
• 1988 وِچ مکھڑا فلم تے بہترین اداکارہ دا ایوارڈ
• 1990 وِچ گوری دیاں جھانجھراں تے فلم تے بہترین اداکارہ دا ایوارڈ

2003 وِچ لکس اسٹائل ایوارڈ وِچ لکس آئیکن آف بیوٹی ایوارڈ جِتّیا ۔