بائبل دا ترجمہ

بائبل دے سرائیکی تراجم ہک صدی قبل شائع تھئے ۔ پہلا ترجمہ 1888ء اِچ چھپیا۔ جݙاں جو اناجیل اربعہ دے سرائیکی تراجم بائبل سوسائٹی لاہور 1898ء اِچ شائع کیتے ۔ ایں سلسلے اِچ سب توں عظیم کم قرآن مجید دے سرائیکی تراجم دا ہے ۔ جیڑھا جو ٻہوں مقدس تے قابل تحسین ہے ۔ اے تراجم معّری ، محشی ،مفسر تے منظوم ہِن ۔ سرائیکی تراجم دا ایہ ذخیرہ ہزاراں صفحات تے کھنڈیا ہویا ہے ۔ سرائیکی زبان اِچ سب توں ودھ تراجم دینی ادب دے حوالے نال تھئے ہن ۔ انہاں اِچوں اکثر تراجم مطبوعہ ہن کجھ تراجم نادم تحریر زیور طباعت توں آراستہ نی تھی سڳے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء