اے کے ہنگل
| اے کے ہنگل | |
|---|---|
 | |
|
| |
| معلومات شخصیت | |
| ڄمݨ | 15 اگست 1915ء |
| وفات | 26 اگست 2012ء (97 سال)[١] |
| شہریت |  بھارت (26 جنوری 1950–)
|
| جماعت | کمیونسٹ پارٹی آف انڈیا |
| ٻال | 1 |
| عملی زندگی | |
| کم | فلم اداکار ، ٹیلی ویژن اداکار ، سیاست دان |
| پیشہ ورانہ زبان | ہندی |
| تحریک | تحریک آزادی ہند |
| اعزازات | |
 |
IMDB پر صفحات |
درستی - ترمیم 
| |
اے کے ہنگل بھارت نال تعلق رکھݨ آلے اداکار اتے کمیونسٹ سیاست دان ہن۔ انہاں دا پورا ناں اوتار کشن ہنگل ہئی۔ اوہ یکم فروری 1914ء کوں کشمیری پنڈت دے ٹٻر وچ سیالکوٹ، صوبہ پنجاب وچ پیدا تھئے۔ اوہ ٻالپݨ وچ تھیٹر وچ کم کریندے ہن۔ انہاں دا قیام پشاور وچ وی رہیا۔ انہاں کجھ عرصے درزی دا کم وی کیتا۔ ہنگل نے تحریک آزادی ہند دی جدوجہد وچ برطانوی سامراج دے خلاف ودھ چڑھ کے حصہ ڳھدا ہئی۔ اپݨے پیو دی ریٹائرمنٹ دے بعد، انہاں دا ٹٻر پشاور توں کراچی منتقل تھی ڳیا ہئی۔ کمیونسٹ پارٹی نال تعلق اتے تحریک آزادی ہند وچ ودھ چڑھ کے کردار ادا کرݨ دی وجہ توں انہاں کوں 3 سال دی قید تھئی۔
1949ء وچ ہندوستان دی ونݙ دے بعد انہاں کوں جیل توں رہائی ملی اتے اوہ ممبئی منتقل تھی ڳئے۔ ہنگل دا جھکاؤ کھٻی پاسے رہیا اتے اوہ ساری حیاتی عملی مارکسٹ رہے۔ اوہ شیوسینا دے ہک ٻہوں وݙے ناقد ہن۔ ول بلراج ساہنی اتے کیفی اعظمی دے نال تھیٹر گروپ اپٹا وچ کم کرݨ لڳے۔
1946 وچ انہاں نے اپݨے فلمی کیریئر دا آغاز ٻہوں دیر نال 30 سال دی عمر وچ بھاسو بھٹیا چاریہ دی فلم "تیسری قسم" نال کیتا اتے ہنگل نے ہندی فلماں وچ اعلیٰ درجے دی اداکاری کیتی۔
ہنگل نے ودھ تر بزرگاں اتے عمر رسیدہ کردار ادا کیتے۔ فلم "شعلے" وچ انہاں دا امام مسجد دا کردار نہ بھُلݨ آلا ہے۔ انہاں فلماں وچ ودھ تر مثبت کردار ادا کیتے اے کے ہنگل نے 225 فلماں وچ کم کیتا۔ انہاں دی پہلی فلم "تیسری قسم" اتے آخری فلم "ہم سے ہے جہاں" ہئی۔ اٹھ (8) ٹیلی وژن دے ڈرامیاں وچ وی حصہ ڳھدا۔ انہاں "کاکا" (راجیش کھنہ) دے نال سولہ (16) فلماں وچ کم کیتا۔
غسل خانے وچ ݙھاوݨ دی وجہ توں انہاں دی ران دی ہݙی ترٹ ڳئی ہئی۔ ول انہاں دی کمر دا آپریشن تھیا اتے انہاں دی صحت وڳڑدی رہی۔ 26 اگست 2012ء وچ انہاں دے سینے وچ تکلیف اتے ساہ گھنݨ وچ اوکھ تھݨ لڳی تاں انہاں کوں سینٹا کروس (ممبئی) دے آشا پاریکھ ہسپتال وچ داخل کروایا ڳیا۔ جتھاں 97 سال دی عمر وچ ہنگل نے اپݨی زندگی دیاں آخری ساہ ڳھدا۔ انہاں کوں "پون ہنس" آتش خانے وچ سُواح کیتا ڳیا۔ انہاں دا ہک پتر "وجے" ہے جیہڑا ہک زمانے وچ فلماں وچ عکاسی کریندا ہئی۔ جیندا کجھ عرصہ پہلے انتقال تھی ڳیا ہے۔
حوالہ
[لکھو | ماخذ وچ تبدیلی کرو]- ↑ ناشر: ٹائمز آف انڈیا — AK Hangal passes away in Mumbai — اخذ شدہ بتاریخ: 26 اگست 2012