ایڈیتھ سکاٹ بیگلی

ایڈیتھ سکاٹ بیگلی
معلومات شخصیت
پیدائش	13 دسمبر 1924ء   ماریون
تاریخ وفات	11 جون 2011ء (87 سال)
شہریت	ریاستہائے متحدہ امریکا
بہن/بھائی	کوریٹا سکاٹ کنگ
عملی زندگی
مادر علمی	انتیوک یونیورسٹی
پیشہ	مصنفہ

ایڈیتھ سکاٹ باگلی (13 دسمبر 1924 – 11 جون 2011ء) ہک امریکی لکھاری، ایکٹیوسٹ تے ماہر تعلیم ہَن۔ کوریٹا سکاٹ کنگ دی وݙی بھیݨ ہووݨ دے ناطے، انّھاں نے شہری حقوق دی تحریک دے فروغ کِیتے خاموشی نال کم کِیتا تے اے دور دے اہم واقعات وچ سرگرم حصہ گِھدا۔

تعلیم

1943ء وچ، ایڈیتھ نے لنکن نارمل اسکول، میریون، الاباما توں گریجویشن کِیتا۔ این٘دے بعد انّھاں نے انٹیوچ کالج وچ داخلہ گھِدا جتّھاں اوہ جدید دور دی پہلی افریقی-امریکی طالبہ ہَن۔ انّھاں نے اوہائیو اسٹیٹ یونیورسٹی توں گریجویشن کِیتا تے کولمبیا یونیورسٹی توں انگریزی وچ ماسٹرز تے بوسٹن یونیورسٹی توں فائن آرٹس وچ ماسٹرز دی ڈگریاں حاصل کِیتیاں۔

خاندانی حیاتی

ایڈیتھ دی بھیݨ کوریٹا سکاٹ کنگ نے مارٹن لوتھر کنگ جونیئر نال شادی کِیتی۔ 1968ء وچ اپݨے بہنوئی دے قتل دے بعد، ایڈیتھ اٹلانٹا چلی ڳئی تے اپݨی بھیݨ دی مدد کِیتے ݙو سال اتھاں رہیں۔ انّھاں نے کنگ سینٹر فار نان وائلنٹ سوشل چینج دے قیام وچ وی مدد کِیتی۔

ذاتی حیاتی

ایڈیتھ دا جنم میریون، الاباما وچ برنیس میک مری-سکاٹ تے اوبی سکاٹ سینئر دے گھر تھیا۔ 5 جون 1954ء کوں انّھاں نے آرتھر باگلی نال شادی کِیتی جیڑھی 56 سال تک قائم رہی۔ انّھاں دا ہک پُتر آرتورو باگلی ہا۔

پیشہ ورانہ حیاتی

ایڈیتھ نے چینن یونیورسٹی وچ تھیٹر آرٹس دے شعبے دی بݨیاد رکھی تے 1996ء تک اتھاں پڑھایا۔ انّھاں نے کئی ڈرامے لکھے تے ہدایت کاری کِیتی۔ اوہ 2011ء وچ فوت تھی ڳئیں۔