ایڈورڈ ولیم لین
ایڈورڈ ولیم لین ہک برطانوی مستشرق، مترجم تے لغت نگار ہئی جیہڑا 17 ستمبر 1801 کوں ہیر فورڈ (Hereford) وچ پیدا تھیا۔ 1842ء دے بعد لین اپݨے آپ کوں ہک جامع عربی توں انگریزی لغت دی تیاری کیتے وقف کر ݙتا۔ لین ایں لغت دا مواد جمع کرݨ کیتے مصر دے ٻہوں سارے دورے کیتے۔ اِنہاں دوریاں وچ لین دی ذال، بھیݨ تے بھݨیجا وی ایندے نال ہوندے ہن۔ لین اپݨی زندگی وچ اے لغت مکمل نہ کر سڳیا۔ او عربی دے اِکویویں حرف ق تے ہئی جݙݨ 10 اگست 1976 کوں ورتھنگ (Worthing) وچ انہاں دا انتقال تھی ڳیا۔ انہاں دی وفات دے بعد انہاں دے بھݨیجے دے پتر سٹینلے لین پول (Stanley Lane-Poole) ایڈورڈ ولیم لین دے نامکمل مسودات دی مدد نال باقی کم کوں ختم کر تے ایں لغت کوں لین دی وفات دے 20 سال بعد شائع کیتا۔ وفات دے بعد لین کوں ویسٹ ناروڈ (West Norwood) دے غستان وچ دفن کیتا ڳیا۔