ایوب طب کالج
ایوب طب کالج، خیبر پختونخوا دے شہر ایبٹ آباد وچ ہے۔ ایہ سرکاری درسگاہ خیبر طب یونیورسٹی پشاور نال الحاق شدہ ہے۔ 2008ء وچ اتھاں تقریباً 1250 طالب علم مختلف شعبہ جات وچ طب دی تعلیم حاصل کر یندے ہن۔ ایہ درسگاہ صوبہ خیبر پختونخوا دے انتہائی قابل اساتذہ دی خدمات تے بہترین طبی تعلیم فراہم کرݨ آلے اداریاں وچ شمار تھیندی ہے۔
تاریخ
[لکھو | ماخذ وچ تبدیلی کرو]ایوب طب کالج دی بنیاد مئی 1979ء وِچ حکومت پاکستان تے حکومت خیبر پختونخوا دی باہمی رضامندی نال رکھی ڳئی تاکہ طب دی تعلیم نہ صرف پشاور توں متصل علاقیاں توں باہر فراہم کیتی ونڄ سڳے بلکہ ہزارہ ڈویژن تے شمالی علاقہ جات وِچ بہتر تعلیم تے ترقی دے نویں مواقع وی دستیاب تھیون۔ ایہ درسگاہ طبی تعلیم دی پہلی جماعت سو طالب علماں تے مشتمل ہئی تے شروع وِچ ایبٹ آباد وِچ واقع تعلیمی مرکز وِچ تعلیم ݙتی ڳئی، ایندے حالیہ عمارت تعمیر نہ تھی ڳئی۔ 30 دسمبر 1990ء کوں ایہ درسگاہ سرکاری طور تے ایندے حالیہ عمارت وِچ مکمل طور تے منتقل کر ݙتی ڳئی۔ ایندے دا ناں سابق صدر پاکستان ایوب خان دے ناں تے رکھیا ڳیا ہے جیہڑا نال آلے شہر ہری پور نال تعلق رکھیندے ہن۔ ہݨ ایہ درسگاہ پاکستان وِچ طب دی تعلیم دے حوالے نال ہک قابل قدر ادارے دے طور تے مشہور ہے۔
سہولیات
[لکھو | ماخذ وچ تبدیلی کرو]ایوب طبی کالج وِچ طب دی تعلیم کیتے عمارات، تدریسی ہسپتال، نرسنگ سکول تے پیرا میڈیکل دے ادارے دیاں سہولیات دستیاب ہن۔ اتھاں تدریسی، انتظامی عملے تے طالب علماں کیتے تمام تر رہائشی تے انتظامی سہولیات موجود ہن۔ طبی اسکول وِچ 4 تدریسی ہال، لیبارٹری، میوزیم تے لائبریری دیاں سہولیات دستیاب ہن۔
الحاق تے تصدیق
[لکھو | ماخذ وچ تبدیلی کرو]ایوب میڈیکل کالج مکمل طور تے پاکستان میڈیکل کونسل، جنرل میڈیکل کونسل برطانیہ تے آئرلینڈ توں تصدیق شدہ ادارہ ہے۔ مزید براں اتھاں فراہم کیتی ونڄݨ آلی تدریسی سہولیات دی تصدیق اقوام متحدہ دے عالمی ادارہ برائے صحت نے وی کیتی ہے۔ حکومت پاکستان دے ادارے “کالج آف فزیشن اینڈ سرجن“ نے اتھاں میڈیسن، جراحی، زچہ تے بچہ دی صحت تے بیماریاں دی تشخیص دے حوالے نال مکمل اعتماد دا اظہار کیتا ہے۔ برطانیہ دے نامی گرامی ادارے رائل کالج برائے صحت زچہ تے بچہ نے اتھاں واقع متعلقہ شعبہ دی مکمل تصدیق کر رکھی ہے تے اتھاں توں فارغ التحصیل طلبہ کوں طبی سہولیات تے ٹریننگ فراہم کرݨ دی ذمہ داری وی چاتی ہوئی ہے۔
ایہ درسگاہ توں فارغ تھیوݨ آلے طلبہ کوں جامعہ خیبر برائے طب دی جانب توں طب دیاں اسناد ݙتیاں ویندیاں ہن۔