اینی (ملیالم اداکارہ)
| اینی (ملیالم اداکارہ) | |
|---|---|
| معلومات شخصیت | |
| ڄم | 21 جولائی 1978ء (47 سال) |
| شہریت |  بھارت
|
| عملی زندگی | |
| پیشہ | ادکارہ |
| پیشہ ورانہ زبان | ملیالم |
 |
IMDB پر صفحہ |
درستی - ترمیم 
| |
چترا شاجی کیلاس جیڑھیاں اپݨے پیدائشی ناں "اینی" نال مشہور ہن، ہک ہندوستانی ٹیلی ویژن میزبان تے کیرالہ دی سابق اداکارہ ہن۔ اوہ ملیالم ٹیلی ویژن تے فلماں وچ کم کریندیاں ہن۔ انہاں دا فلمی کیریئر 1993ء توں 1996ء تک دے ترائے سالاں تے محیط ہئی، جیندے وچ انہاں نے 16 فلماں وچ کم کیتا۔ شادی دے بعد اوہ اداکاری توں ریٹائر تھی ڳئین تے 2015ء وچ ٹیلی ویژن میزبان دے طور تے واپس آئین۔
انہاں نے اداکارہ دے طور تے 1993ء وچ فلم "امایانے ستھیم" نال اپݨے کیریئر دا آغاز کیتا۔ انہاں نے "مژاییتھم منپے" (1995ء) وچ اپݨے کردار پاروں بہترین اداکارہ دا فلم فیئر ایوارڈ جتیا۔ انہاں دی ٻیاں مشہور فلماں وچ "پاروتی پرینیم" (1995ء)، "رودرکشم" (1994ء)، "ٹام اینڈ جیری" (1995ء)، "پتھکو کوٹائلی پوتھوماناولن" (1995ء) تے "سوپنا لوکاتھے بالابھاسکرن" (1996ء) شامل ہن۔
ذاتی زندگی
[لکھو | ماخذ وچ تبدیلی کرو]چترا دا تعلق پالا، کیرالہ دے ہک عیسائی خاندان نال ہئی۔ اوہ 1975ء وچ جوبی تے مریم دے گھر پیدا تھئین۔ انہاں دی ترائے وݙیاں بھیݨیں ہن: لیسی، مریم تے ٹیسی۔ انہاں دی ماء دا انتقال انہاں دے اٹھویں کلاس وچ ہووݨ تے تھی ڳیا۔ انہاں دی پرورش تھیرو والا وچ تھئی، پر اوہ اپݨے پیو دی نوکری دے سبب ترواننت پورم وچ رہیاں۔ انہاں نے ہولی اینجلس کانوینٹ ہائر سیکنڈری سکول، ترواننت پورم وچ تعلیم حاصل کیتی تے آل سینٹس کالج وچ اعلیٰ تعلیم حاصل کیتی، جتھوں اوہ فلماں وچ داخل تھئین۔
انہاں دی شادی شاجی کیلاس نال تھئی۔ شادی دے ترائے مہینے بعد انہاں نے ہندو مذہب اختیار کیتا تے اپݨا ناں بدل کے "چترا شاجی کیلاس" رکھ ڳھدا۔ انہاں دے ترائے پتر ہن۔