ایمی اعزاز
سانچہ:Infobox awardایمی اعزاز امریکا دا ہک ایہو جیہا انعام ہے جیہڑا ٹی وی پروڈکشنز کوں ݙتا ویندا ہے۔ ایمی ٹی وی دی دنیا دا سب توں وݙا اعزاز ہے۔ ایندا مقابلہ فنون لطیفہ دے ٻئے شعبیاں دے سب توں وݙے اعزازات دے نال کیتا ونج سڳدا ہے جیویں کہ فلم کیتے سب توں وݙا اعزاز اکیڈیمی اعزاز (آسکر اعزاز)، تھیٹر کیتے ٹونی اعزاز اتے موسیقی کیتے گریمی اعزاز ہے۔
چونکہ ایمی امریکی ٹیلی ویژن دے مختلف شعبیاں دا احاطہ کریندا ہے ایں واسطے تقریباً پورا سال انعامات دی تقسیم دیاں مختلف تقاریب منعقد تھیندیاں ہن لیکن سب توں زیادہ اہمیت پرائم ٹائم ایمی (Primetime Emmys) اتے ڈے ٹائم ایمی (Daytime Emmys) کوں ݙتی ویندی ہے، جیندے وچ شام اتے ݙینھ دے بہترین پروگراماں کوں انعامات ݙتے ویندن۔ انہاں دے علاوہ وچ، کھیݙاں نال متعلق پروگرام، ٹیکنالوجی اتے بین الاقوامی پروگراماں، دستاویزی فلماں اتے کئی علاقائی پروگراماں کیتے خصوصی ایمی اعزاز ہن۔
ایمی دے انعامات دی تقسیم ترائے خود مختار تنظیماں، ٹیلی اکیڈیمی آف ویژن آرٹس اینڈ سائنسز دی اکیڈمی (ATAS)، نیشنل اکیڈیمی آف ٹیلی ویژن آرٹس اینڈ سائنسز (NATAS) اتے انٹرنیشنل اکیڈیمی آف ٹیلی ویژن آرٹس اینڈ سائنسز دے ذمے ہے۔