ایلینا اینڈریشیوا

ایلینا اینڈریشیوا
معلومات شخصیت
پیدائش	20ویں صدی  کیف
رہائش	لندن
شہریت	یوکرائن
عملی زندگی
مادر علمی	امپیریل کالج لندن
پیشہ	دستاویزی فلم ساز ،  فلم ساز ،  ٹی وی پروڈیوسر ،  فلمی ہدایت کارہ
پیشہ ورانہ زبان	یوکرینی زبان ،  انگریزی
اعزازات
آسکر اعزاز برائے بہترین دستاویزی فلم (برائے:Learning to Skateboard in a Warzone (If You're a Girl) ) (2020) برٹش اکیڈمی فلم ایوارڈز   (برائے:Learning to Skateboard in a Warzone (If You're a Girl) ) (2020)
ویب سائٹ
ویب سائٹ	باضابطہ ویب سائٹ
	IMDB پر صفحہ

ایلینا اینڈریشیوا ہک یوکرینی النسل پروڈیوسر تے فلم میکر ہَن۔ انّھاں نے 11 سال دی عمر وچ برطانیہ ہجرت کِیتی تے بعد وچ امپیریل کالج لندن توں فزکس دی تعلیم حاصل کِیتی، بی ایس سی تے این٘دے بعد سائنس کمیونیکیشن وچ ماسٹرز کِیتا۔ انّھاں نے 2006ء توں ٹیلی ویژن فلم پروڈکشن وچ کم کِیتا۔

انّھاں نے 2019ء دی دستاویزی فلم Learning to Skateboard in a Warzone (If You're a Girl) دی پروڈیوسر دی حیثیت نال کم کِیتا، جیڑھی کِیتے انّھاں تے کیرول ڈائسنجر نے 92ویں اکیڈمی ایوارڈز وچ بہترین دستاویزی مختصر فلم دا آسکر جِتیا۔ انّھاں دا آسکر تقریب کِیتے پہناوݨ والا لباس پائیدار طریقے نال تیار کِیتا ڳیا ہا تے انّھاں نے اے لباس اپݨے کم 'عدم مساوات تے ناانصافی دے خلاف' نال جوڑیا۔

2021ء وچ، انّھاں نے ایتھنز سائنس فیسٹیول وچ ایں ڳالھ تے ڳالھ کیتی جو دستاویزی فلماں لوکاں کوں سائنس تے ٹیکنالوجی سمجھݨ وچ کین٘ویں مدد کر سڳدیاں ہَن۔ انّھاں نے ربیکا مارشل دی دستاویزی فلم دی فارسٹ ان می دی معاون ہدایت کارہ دی حیثیت نال کم کِیتا، جیڑھی سائبیریا دی ہک 70 سالہ زنانی اگافیا لائکووا دے بارے ہَئی جیڑھی 2 ھفتے تک لوکاں توں وکھ رہی ہئی۔ انّھاں نے نک روزن دی کتاب How to Live Off-Grid کِیتے حقائق دی جانچ وچ وی مدد کِیتی۔

آسکر جِتݨ دے بعد، اینڈریشیوا یوکرین دی آزادی دے بعد پہلی یوکرینی النسل زنانی فاتح بݨ ڳئیں۔