ایلن کورماک
ایلن کورماک
[لکھو | ماخذ وچ تبدیلی کرو](Allan MacLeod Cormack The Inventor of CT Scan)
ایلن میکلوڈ کورماک (23 فروری 1924 – 7 مئی 1998) ہک جنوبی افریقی امریکی فزکس دان تے ٹفٹس یونیورسٹی وچ فزکس دے پروفیسر ہن جنہاں 1979 وچ ایکس رے کمپیوٹڈ ٹوموگرافی (سی ٹی) تے کم کرݨ تے گڈفری ہونس فیلڈ دے نال فزیالوجی یا میڈیسن دا نوبل انعام جتیا ۔ ایہ ہک اہم تے غیر معمولی سوبھ ہئی کیوں جو کورماک دے کول کہیں وی سائنسی شعبے وچ ڈاکٹریٹ دی ڈگری نہ ہئی ۔
ابتدائی زندگی تے تعلیم
[لکھو | ماخذ وچ تبدیلی کرو]ایلن کورماک 23 فروری 1924 کوں جنوبی افریقہ وچ پیدا تھئے ۔ انہاں ابتدائی تعلیم جنوبی افریقہ وچ حاصل کیتی تے بعد وچ کیپ ٹاؤن یونیورسٹی توں فزکس وچ بی ایس سی تے ایم ایس سی دی ڈگری حاصل کیتی ۔
سائنسی سفر دا آغاز
[لکھو | ماخذ وچ تبدیلی کرو]تعلیم مکمل کرݨ توں بعد ، کورماک کجھ عرصہ برطانیہ وچ ریڈار ریسرچ اینڈ ڈیولپمنٹ اسٹیبلشمنٹ وچ کم کریندے ریہے ۔ ول او امریکہ چلے ڳئے تے ٹفٹس یونیورسٹی وچ بطور پروفیسر کم شروع کیتا ۔
سی ٹی سکین دی ایجاد
[لکھو | ماخذ وچ تبدیلی کرو]کورماک دی سب توں اہم ایجاد سی ٹی سکین (CT scan) ہئی ۔ انہاں ایکس رے ٹیکنالوجی کوں استعمال کر تے جسم دے اندرونی اعضا دی تصویراں بݨاوݨ دا طریقہ تیار کیتا ۔ سی ٹی سکین دی مدد نال ڈاکٹر جسم دے اندرونی اعضا کوں تفصیل نال ݙیکھ سڳدے ہن تے بیماریاں دی تشخیص کر سڳدے ہن ۔
نوبل انعام
[لکھو | ماخذ وچ تبدیلی کرو]1979 وچ ایلن کورماک تے گڈفری ہونس فیلڈ کوں "کمپیوٹڈ ٹوموگرافی دی ترقی کیتے فزیالوجی یا میڈیسن دا نوبل انعام ݙتا ڳیا ۔
مہاندرے سائنسدان دی حیثیت نال سنڄاݨ
[لکھو | ماخذ وچ تبدیلی کرو]ایلن کورماک ہک عظیم سائنسدان ہن جنہاں طب تے سائنس دے شعبے وچ اہم کردار ادا کیتا ۔ انہاں دی ایجاد سی ٹی سکین طب وچ انقلاب برپا کر ݙتا ہے ۔
وفات
[لکھو | ماخذ وچ تبدیلی کرو]ایلن کورماک 7 مئی 1998 کوں امریکہ وچ فوت تھئے ۔ او ایں جہان توں جھوک لݙا ڳئے ، پر انھاں دی ایجاد ہمیشاں سائنسداناں کوں روشنی ݙیندی راہسی ۔