ایشوریا (اداکارہ)

ایشوریا (اداکارہ)
معلومات شخصیت
ڄم	21 اپریل 1971ء (54 سال)  چنائے، تامل ناڈو، بھارت
شہریت	بھارت
شریک حیات	تنویر (طلاق)
اولاد	انینا
ماء	لکشمی
عملی زندگی
پیشہ	اداکارہ
پیشہ ورانہ زبان	ملیالم
	IMDB پر صفحہ

ایشوریا ہک بھارتی فلمی اداکارہ ہے جیڑھی تامل، ملیالم تے تیلگو فلمیں تے بعد وچ کئی ملیالم ٹیلی ویژن ڈرامیاں وچ کم کیتے۔ او اداکارہ لکشمی دی دھی ہے۔

پیشہ ورانہ زندگی:

ایشوریا دی پہلی فلم "اولیامپوکال" (1991ء) ہئی، ایندے بعد "ماماگارو" (1991ء)، "راسوکٹی" (1992ء) تے "میرا" (1992ء) وچ کم کیتے۔ انہاں "بٹرفلائی" (1993ء) وچ ݙو کردار ادا کیتے تے "گارڈش" (1993ء) وچ وی ݙو کردار ادا کیتے، ایہ فلم ملیالم فلم "کریمدہ" دی ریمیک ہئی۔ اپݨے کیریئر دے شروع وچ، انہاں "تھرڈا ترودا" (1993ء) وچ مانی رتنم دے نال کم کرݨ دے موقعے توں انکار کر ݙتا۔ 1994ء وچ اپݨی شادی دے بعد، ایشوریا نے فلمی صنعت چھوڑ ݙتی۔ 1996ء وچ طلاق تھیوݨ دے بعد، انہاں اپݨے شوہر دی وجہ توںمنشیات ڳھنݨ دی عادی تھی ڳئی، جیندی وجہ توں 1996ء وچ طلاق دے بعد اینکوں فلمی صنعت وچ ولا داخل تھیوݨ مشکل تھی ڳیا۔ بحالی دے عمل توں گزرݨ دے بعد، ایشوریا نے کمپیوٹر سائنس وچ اپݨی تعلیم جاری رکھݨ دا انتخاب کیتا تے 1997ء وچ این آئی آئی ٹی وچ ملازمت کیتی تے سافٹ ویئر انجینئر دی حیثیت نال اپݨے کم کوں ترجیح ݙتی۔

ذاتی زندگی:

ایشوریا 23 مئی 1971ء کوں کے بھاسکرن تے اداکارہ لکشمی دے گھر پیدا تھئی۔ ایشوریا دی ہک مترائی بھینڑوی ہے جیڑھی ایندی ماء دی تریجھی شادی، سیواچندرن نال ہے۔ ایشوریا دی شادی تنویر احمد نال 1994ء وچ تھئی ہئی تے انہاں دی 1996ء وچ طلاق تھی ڳئی ہئی۔ جوڑے دی ہک دھی انیانا ہے، جیڑھی 1995ء وچ پیدا تھئی ہئی۔

ایوارڈ:

فاتح: ایشیانیٹ ٹیلی ویژن ایوارڈ 2011 - منفی کردار وچ بہترین اداکارہ۔