ایشوریا ناگ

ایشوریا ناگ

ایشوریا ناگ ہک ہندوستانی فلمی اداکارہ تے ماڈل ہن۔ اوہ بنیادی طور تے کناڈا سنیما وچ، جنوبی ہندوستانی فلمیں وچ نظر آندے ہن۔ اپݨے کیریئر دا آغاز انہاں نے ماڈلنگ نال کیتا۔ ماڈلنگ دے بعد پہلی فلم "نینے نینے" (2008) وچ اداکاری دے جوہر ݙکھائے۔

کیریئر

ایشوریہ ناگ نے 2008ء وچ ریلیز تھیوݨ آلی فلم نینے نینے وچ ساتھی اداکار دھیان تے اننتھ ناگ دے مقابل صرف سولہ سال دی عمر وچ مرکزی کردار ادا کیتا۔ ایشوریہ کوں اننت ناگ دی دھی دی حیثیت نال عمدہ اداکاری کرݨ تے نقاداں نے سراہیا۔

پہلی فلم دی کامیابی دے بعد انہاں نے شری دھر دی فلم جولی ڈیز (2009) وچ کم کیتا جیہڑی کناڈا فلم دی ولا فلمبندی ہئی۔ ایں فلم کوں ݙیکھݨ آلیں نے دل کھول کر داد ݙتی تے انہاں کوں "کناڈا وچ ہیروئین دا بہت چنگا مواد" قرار ݙتا۔

کومل کمار دے نال کال مانجا (2010) وچ شاندار اداکاری انہاں کوں ݙیکھݨ آلیں دی طرفوں ہک واری ولا سراہیا ڳیا تے فلم تے مثبت تبصرے تھئے۔ ایندے بعد انہاں نے وجے راگھاویندر دے مدمقابل فلم وگھنا وچ کم کیتا جیندے وچ کئی التوا وی آئے۔ 2013 وچ پراجول دیواراج دے نال فلم ضدی ریلیز تھئی۔ ایندے بعد کامیڈی فلم لوز گالو وچ کم کیتا، وجے رگھاویندر دے نال چیلا پیلی، ہک رومانوی کامیڈی پٹائسو تے جاتھرے مدمقابل چیتن چندر۔

ایشوریا ناگ فلم مودو مناسے وچ مرکزی کردار وچ نظر آئی جتھاں اوہ آسانی دے نال جانوریں تے سوار تھیندی ݙکھائی ݙتی۔ ایں کردار دے کیتے وی انہاں کوں شائقین دی جانب توں سراہیا ڳیا جیندے نال انہاں دی مسلسل جاندار اداکاری ثابت تھئی۔ ایشوریا نے 2015 وچ فلم جاتھے وچ ہک میڈیا رپورٹر دا کردار ادا کیتا۔ 2015 وچ ہی اپݨی اڳلی فلم "دی گلابی اسٹریٹ" دی شوٹنگ کر ݙتی جیہڑی بالی ووڈ فلم فیشن نال ملدی جلدی ہے۔