ایشوریا رائے

ایشوریا رائے بچن
(تولو : ಐಶ್ವರ್ಯ ರೈ)
معلومات شخصیت
پیدائشی ناں	(انگریزی : Aishwarya Rai)،  (ہندی وچ: ऐश्वर्या राय)
ڄم	1 نومبر 1973ء (52 سال)  منگلور
رہائش	ممبئی
شہریت	بھارت
قد	170 سنٹی میٹر
مذہب	ہندومت
عارضہ	کووڈ-19 (جولا‎ئی 2020–)
شریک حیات	ابھیشیک بچن (20 اپریل 2007–)
تعداد اولاد	1
عملی زندگی
مادر علمی	ممبئی یونیورسٹی کشن چند چیلارام کالج
پیشہ	فلم اداکارہ ،  ماڈل ،  شریک مقابلہ حسن ،  ادکارہ
ماء ٻولی	تولو
پیشہ ورانہ زبان	ہندی ،  انگریزی ،  تمل ،  تولو ،  مراٹھی
شعبۂ عمل	اداکاری
اعزازات
نشان فنون و آداب (فرانس) (2012)  فنون میں پدم شری   (2009) فلم فیئر اعزاز برائے بہترین اداکارہ (برائے:دیوداس ) (2002) فلم فیئر اعزاز برائے بہترین اداکارہ (برائے:ہم دل دے چکے صنم ) (1999)
دستخط
	IMDB پر صفحہ

ایشوریا رائے جیہڑی اپݨے ازدواجی ناں ایشوریا رائے بچن نال وی ڄاݨی ویندی ہے ہک ہندوستانی اداکارہ، ماڈل تے مس ورلڈ 1994ء دی فاتح ہے۔ اپݨے کامیاب ترین فنی سفر وچ اوہ ہندوستان دی مشہور ترین تے بااثر ترین سیلیبرٹییں وچ سر فہرست رہی ہے۔ ایشوریا نے بے شمار اعزازات جیتیے جنہیں وچ یارہ واری فلم فیئر ایوارڈ دے کیتے نامزد تھئی تے ݙو واری ایہ اعزاز جتیا تے حکومت ہند نے 2009ء وچ ایشوریا کوں پدما شری ایوارڈ نال نوازیا جبکہ 2012ء وچ حکومت فرانس نے انہاں کوں آرڈر ڈیس آرٹس ایٹ ڈیس لیٹرز دا اعلیٰ ترین اعزاز ݙتا۔ میڈیا نے انہاں کوں دنیا دی حسین ترین تریمت دا لقب ݙتا۔ کالج دے زمانہ طالب علمی دے دوران انہاں نے کجھ ماڈلنگ دے کم کیتے تے ولا ٹیلی ویژن اشتہارات وچ جلوہ گر تھئ۔ کجھ ہی ݙیہاڑیاں وچ ایشوریا نے مس انڈیا مقابلہ حسن وچ حصہ ڳھدا تے ݙوجھے نمبر تے رہی۔ ایندے بعد 1994ء وچ مس ورلڈ دا تاج ایشوریا دے سر پوایاڳیا۔ ایں کامیابی دے نال ہی انہاں کوں فلمیں وچ کم کرݨ دی پیشکشاں موصول تھیوݨ شروع تھی ڳیاں۔ انہاں نے اپݨی اداکارانہ زندگی دی سب توں پہلی جلوہ گری 1997ء وچ منی رتنم دی تمل فلم اریووار وچ کیتی۔ ایشوریا دی سب توں پہلی ہندی فلم اور پیار ہو گیا ہئی جو ایں سال یعنی 1997ء وچ ریلیز تھئی۔ ایشوریا دی پہلی کمرشل کامیابی 1998ء وچ تمل رومانی ڈراما جینز نال تھئی تے ایندے بعد انہاں دی کامیابی دا افق پھیلدا ڳیا۔ انہاں نے 1999ء وچ ہم دل دے چکے صنم تے 2002ء وچ دیوداس جاہیں بہترین فلمیں وچ کم کیتا جنہیں تے انہاں کوں فلم فیئر وچ بہترین اداکارہ دے ݙو ایوارڈ آف پرفارمنس ݙتے ڳئے۔

ایشوریا نے 2000ء وچ تمل رومانی فلم کندوکوندین کندوکودین وچ ہک انتہائی جذباتی تے عشق نال بھر پور کردار ادا کیتا جیہڑی وجہ نال انہاں کوں انتہائی انتقادی تعریف تے ستائش ملی۔ ایندے علاوہ 2003ء وچ بنگالی فلم چھوکر بالی وچ رابندر ناتھ ٹیگور دی بینودنی دا کردار ادا کیتا، 2004ء وچ ڈراما رین کوٹ وچ ہک افسردہ تے درماندہ تریمت دا کردار ادا کیتا، 2006ء وچ برطانوی ڈراما فلم پروووکڈ وچ کرنجیت آہلو والیا، 2010 وچ ڈراما گزارش وچ نرس دا کردار نبھایا۔ ایشوریا دی سب توں وݙی کمرشل کامیابیاں وچ، 2000ء وچ آوݨ آلی رومانی فلم محبتیں، 2006ء وچ ایڈوینچر فلم دھوم 2، 2008 وچ تاریخی رومانوی فلم جودھا اکبر، 2010 وچ سائنس فکشن فلم انتھیرین تے 2016 دا رومانی ڈراما اے دل ہے مشکل شامل ہن۔

ایشوریا نے 2007 وچ ابھیشک بچن نال شادی کیتی جتھوں انہیں دی ہک دھی ہے۔ پردہ سیمیں دے علاوہ ایشوریا ٻہوں ساریاں فلاحی تنظیماں دی برانڈ ایمبیسیڈر ہے۔ اوہ ایڈز دے کیتے اقوام متحدہ دے مشترکہ پروگرام (UNAIDS) دی خیر سگالی سفیر وی ہے۔ سال 2003 وچ اوہ پہلی بھارتی تریمت اداکارہ ہئی جیہڑی کینیس فلم فیسٹیول دی جیوری وچ شامل ہئی۔

ابتدائی زندگی تے ماڈلنگ

ایشوریا یکم نومبر 1973 کوں بھارتی ریاست کرناٹک دے شہر منگلور وچ تولو بولݨ آلے تولووا بنت ٹٻر وچ پیدا تھئی۔ انہاں دے پیو آرمی وچ بیالوجسٹ ہن جیندا انتقال 18 مارچ 2017 کوں تھیا۔ انہاں دی ماء گھریلو خاتون ہن۔ ایشوریا دا ہک وݙا بھرا ادیتیا رائے ہے جیہڑا مرچنٹ نیوی وچ انجینئر ہے۔ ایشوریا دی فلم دل کا رشتہ دی شریک مصنفہ انہاں دی ماء تے شریک پروڈیوسر انہاں دا بھرا ہئی ایہ فلم 2003 وچ بݨی ہئی۔ ایہ خاندان ممبئی منتقل تھی ڳیا جتھاں ایشوریا نے آریا ودیا مندر ہائی سکول وچ تعلیم حاصل کیتی۔ ایشوریا نے ہک سال تک انٹرمیڈیٹ جے ہند کالج وچ پڑھی تے ولا ڈی جی روپرل کالج ماتنگا چلی ڳئی جتھاں انہاں نے نوے فیصد نمبریں دے نال امتحان پاس کیتا۔

انہاں نے ٻارہ سال دی عمر توں پنج سال تک کلاسیکل رقص تے موسیقی دی تعلیم حاصل کیتی۔ انہاں دا پسندیدہ مضمون زوالوجی ہئی لہذا شروع وچ انہاں نے طب دا شعبہ اپݨاوݨ دے بارے وچ سوچیا۔ لیکن بعد وچ انہاں کوں آرکیٹیکٹ بݨݨ دا شوق تھیا تاں انہاں نے رچنا سنسد اکیڈمی آف آرکیٹکچر وچ داخلہ ڳھدا، لیکن بعد وچ ماڈلنگ دے کیریئر کوں وقت ݙیوݨ دے کیتے آرکیٹکچر دی ایہ تعلیم ادھوری چھوڑ ݙتی۔

ایشوریا نے 1991 وچ فورڈ دے زیر اہتمام تھیوݨ آلا سپر ماڈل مقابلہ جتیا تے امریکی فیشن میگزین ووگ دی خصوصی اشاعت وچ شائع تھئی۔ مشروب ساز کمپنی پیپسی دی 1993 دی اشتہاری مہم وچ اداکار عامر خان تے اداکارہ ماہیما چودھری دے نال جلوہ گر تھئی تے بے حد عوامی مقبولیت حاصل کیتی۔ ایں اشتہار وچ انہاں دا ہک سطری مکالمہ "ہائی، میں سنجنا ہوں" (Hi, I'm Sanjana,") انہاں کوں شہرت دی بلندیاں تے ڳھن ڳیا۔ سال 1994 وچ مس انڈیا مقابلہ حسن وچ سشمیتا سین دے مقابل ݙوجھے نمبر تے رہی تے مس انڈیا ورلڈ دا تاج سر تے آیا ۔ ایشوریا نے مزید پنج اعزازات وی حاصل کیتے جیندے وچ مس کیٹ واک، مس مراکلس، مس فوٹوجینک، مس پرفیکٹ ٹین تے مس پاپولر شامل ہن۔ مس یونیورس وچ سشمیتا سین دے نال فرسٹ رنر اپ دی حیثیت نال شمولیت دے نال نال ایشوریا نے ایں سال سن سٹی جنوبی افریقہ وچ تھیوݨ آلے مقابلہ حسن مس ورلڈ وچ بھارت دی نمائندگی کریندیں ہوئے انہاں نے تاج حسن جتیا تے اتھائیں انہاں کوں مس فوٹو جینک دے ایوارڈ دے نال مس ورلڈ کانٹینینٹل کوئین آف بیوٹی ایشیا اینڈ اوشیانا دا وی خطاب تے اعزاز ݙتا ڳیا۔ ایں فتوحات دے بعد لندن وچ ایشوریا نے خطاب کریندے ہوئے آکھیا جو اوہ اپݨے ایں ہک سالہ دور وچ عالمی امن دے کیتے کم کرݨ چاہندی ہے کیوں جو ایہ انہاں دا ہک دیرینہ خواب تے خواہش ہے جو اوہ امن دی سفیر دے طور تے کم کرے۔ ایشوریا نے اداکاری دی شروعات تک بحیثیت ماڈل کم جاری رکھا۔ ایشوریا رائے بچن بالی ووڈ دی مشہور شخصیات وچوں ہک ہن۔میڈیا دی مسلسل کوششاں دے باوجود اوہ اپݨی ذاتی زندگی کوں لکا کے رکھدی ہے۔ انہاں دی خوبصورتی تے اداکاری نے انہاں کوں نوجواناں دے کیتے آئیڈیل بݨا ݙتا ہے۔ 2015 وچ 2011 وچ انڈیا ٹوڈے نے لکھیا جو انہاں دے کیتے 17000 توں زیادہ ویب سائٹاں وقف کیتیاں ڳئیاں ہن۔ انہاں کوں وریو میگزین نے ملک دی طاقت ور تریمتیں دی فہرست وچ وی منتخب کیتا۔2001 وچ، فوربس نے انہاں کوں ہندوستانی فلم دے پنج اعلیٰ شخصیات وچ شامل کیتا۔ برطانیہ دے ہیلو دے ذریعہ کیتے ڳئے ہک ریڈر سروے وچ! میگزین نے انہاں کوں "2003 دی سب توں پرکشش تریمت" قرار ݙتا ڳیا۔ ایں سال اوہ رولنگ اسٹون میگزین دی سالانہ "ہاٹ لسٹ" وچ شائع تھئی۔ 2004 وچ انہاں کوں ٹائم رسالے نے دنیا دے بااثر افراد وچوں ہک دے طور تے منتخب کیتا تے اوہ 2003 دے ایشیا ایڈیشن دے سرورق تے شائع تھئی۔