ایشا شروانی

ایشا شروانی
ایشا شروانی 2013 وچ ' ڈیوڈ'، دے پریمیئر دے وچ
معلومات شخصیت
ڄم	(1984-09-29) ستمبر 29, 1984 گجرات، بھارت
رہائش	تریوینڈرم
قومیت	بھارتی
عملی زندگی
پیشہ	بھارتی معاصر رقاصہ، اداکارہ
ماء ٻولی	گجراتی
پیشہ ورانہ زبان	ہندی
ویب سائٹ
ویب سائٹ	www.ishasharvani.com
	IMDB پر صفحہ

ایشا شروانی ہک بھارتی معاصر رقاصہ تے فلمی اداکارہ ہن۔ اوہ اپݨے بھارتی معاصر تے فضائی رقص دے مظاہرے کیتے مشہور ہن۔ اوہ بالی وڈ، ملیالم تے تمل فلماں وچ وی کم کر چکی ہن۔

ابتدائی زندگی

ایشا شروانی 29 ستمبر 1984 کوں بھارت دے گجرات وچ پیدا تھئین۔ ایشا مشہور کتھک رقاصہ دکشہ شیٹھ دی وݙی دھی تے آسٹریلیائی موسیقار دیو ایسارو دی دھی ہن۔ ایشا شروانی احمد آباد وچ رہندی ہئی، اوہ تری وندرم وچ روہݨ توں پہلے دہلی، ورینداون تے بنگلور وچ وی رہ چکی ہن۔انہاں دا ہک نکا بھرا وی ہے جیندا ناں تاؤ اِسارو ہے، جیہڑا ہک مشہور تکراری ماہر ہے۔

ایشا شروانی دے پیو ماء نے کیرالہ دے تروواننتاپورم وچ آرٹ ریسرچ، ٹریننگ اینڈ انوویشن (اے آر ٹی آء) دے ناں نال ہک آرٹس اسکول دی بنیاد رکھی جتھاں ایشا 13 یا 14 سال تک رہئین۔ 13 سال دی عمر وچ، ایشا شروانی نے اپݨے ڈانس اسکول وچ اپݨی ماء ڈکشہ شیٹھ توں رقص سکھݨ شروع کیتا تے کلاریپیاٹو، کتھک تے چھاؤ ڈانس سکھݨ دے نال نال پچھلے ست سالاں وچ 22 دیساں وچ اپݨے فن دا مظاہرہ وی کیتا۔

انڈیا ڈیلی کوں ݙتے گئے ہک انٹرویو وچ، ایشا نے ݙسیا جو اوہ "فلمی صنعت توں الڳ ہک مختلف زندگی گزریندی ہے۔ 11 سالیں توں میں ہک ٻہوں ہی تادیبی ماحول وچ رہی ہاں جتھاں ݙینہہ وچ اٹھ توں 10 گھنٹے دی تربیت ݙتی ویندی ہئی تے اتھاں چھوہر تے چھوہریں وچ کوئی فرق نی ہوندا ہا۔ اوہ ہک تربیت یافتہ ملکم رقاصہ ہن، ایہ ہک قسم دا لوک رقص ہوندا ہے۔