ایریکا ژونگ

ایریکا ژونگ ہک امریکی مصنفہ تے استاد ہن جیڑھی شاعری تے فکشن کِیتے مشہور ہن۔

جنم

ایریکا ژونگ 26 مارچ 1942 کوں پیدا تھئین۔

ٻئے حالات

ایریکا ژونگ امریکی ادیبہ، ناول نگار تے شاعرہ ہن۔ انّھاں دا اصل ناں ایریکا ژونگ ہئی۔ 26 مارچ 1942ء کوں نیویارک وچ پیدا تھئین تے اتھائیں پلیاں وݙیاں۔ انّھاں دے پیو پولینڈ نژاد امریکی یہودی ہن۔ انّھاں دی ماں انگلستانی یہودی مہاجر ہئی۔ ایریکا ژونگ نے چار شادیاں کیتیاں۔ ہݨ اپݨے چوتھے شوہر کینتھ ڈیوڈ برڈو دے نال رشتہ ازدواج نال جُڑیاں ہن۔ 1963ء وچ برنارڈ کالج توں فارغ التحصیل تھیوݨ دے بعد 1965ء وچ کولمبیا یونیورسٹی توں "اٹھارویں صدی دے انگریزی ادب" تے ایم اے دی سند حاصل کیتی۔ اوہ برنارڈ کالج دے ریڈیو تے شاعری دا پروگرام پیش کریندی رہین۔ انّھاں دا پہلا ناول "فیر آف فلائنگ" 1973ء وچ شائع تھیا جیندے وچ عورت دی جنسی تے شہوانی خواہشات کوں موضوع بݨایا ڳیا ہئی۔ انّھاں دی شاعری عورت دی حسیات تے انّھاں دی عقلی خودکاریت دی آواز ہئی۔ انّھاں دے خیال وچ انّھاں دی تحریراں عورت دے جسم، ذہن، حسیات تے روحانیت دا اظہار ہن۔ قدامت پسند تے رجعت پسند نقاد تے تبصرہ نگار ایریکا ژونگ دی تخلیقات کوں غلاظت دا پلندہ آہدے ہن۔ انّھاں دی تحریراں جدید ثانیثی، لزبن تے کوئر ادبی تنقیدی نظریے دا مرغوب موضوع ریہا ہئی۔

اہم تحریراں

فکشن

• - فیر آف فلائنگ (ناول) (1973)
• ہاؤ ٹو سیو یور اون لائف (1977)
• فینی، بیئنگ دی ٹرو ہسٹری آف دی ایڈونچرز آف فینی ہیک ابوٹ-
• جونز (1980)
• میگنز بک آف ڈیورس (1984)
• پیراشوٹس اینڈ کسز (1984)
• شائلکس ڈاٹر (1987)
• اینی ویمنز بلوز (1990)
• انوینٹنگ میموری (1997)
• سیفو لیپ (2003)

شاعری

• فروٹس اینڈ ویجیٹیبلز (1971، 1997)
• ہاف لائیوز (1973)
• لووروٹ (1975)
• ایٹ دی ایج آف دی باڈی (1979)
• آرڈینری میریکلز (1983)
• بیکمنگ لائٹ (1991)
• لو کمز فرسٹ (2009)