ایرک ایلن کارنیل

ایرک ایلن کارنیل

ایرک ایلن کارنیل (ڄمݨ دی تریخ 19 دسمبر 1961) ہک امریکی طبیعات دان ہن جنھاں کارل ویمین دے نال رل تے 1995 وچ پہلا بوز-آئنسٹائن کنڈینسیٹ تیار کیتا ہا ۔ انھاں دی ایں کوشش تے ، کارنیل ، ویمین تے وولف گینگ کیٹیرلے کوں 2001 وچ طبیعات دا نوبل انعام ملیا ۔

کارنیل پالو آلٹو ، کیلیفورنیا وچ ڄمیا ہا ، جتھاں انھاں دے ماء پیو نیڑے دی سٹینفورڈ یونیورسٹی وچ گریجوایٹ ڈگریاں پوریاں کریندے پئے ہن ۔ ݙو سال بعد او کیمبرج ، میساچوسٹس ٹر ڳیا ، جتھاں انھاں دے پیو ایم آئی ٹی وچ سول انجینئرنگ دے پروفیسر ہن ۔ اتھاں او اپݨے چھوٹے بھرا تے بھیݨ دے نال وݙا تھیا ، جنھاں دے نال سال بھر کیلیفورنیا دے برکلے تے پرتگال دے لزبن وچ وی رہیا ، جتھاں انھاں دے پیو سیبٹیکل تے ہن ۔

کیمبرج وچ اوں کیمبرج رنج تے لاطینی سکول وچ پڑھیا ۔ گریجویشن توں ہک سال پہلے او اپݨی ماء دے نال واپس کیلیفورنیا ٹر ڳیا تے سان فرانسسکو دے لوویل ہائی سکول توں ہائی سکول دی تعلیم پوری کیتی ، جیڑھا جو پڑھائی وچ ہوشیار شاگرداں کیتے ہک مقامی میگنیٹ سکول ہا ۔

ہائی سکول دے بعد اوں سٹینفورڈ یونیورسٹی وچ داخلہ گھدا ، جتھاں اوں اپݨی فیوچر وائف ، سیلیسٹ لینڈری نال ملاقات کیتی ۔ انڈر گریجویٹ دے طور تے اوں کیمپس وچ مختلف لو-ٹمپریچر فزکس گروپس وچ بطور اسسٹنٹ پیسہ کمایا ۔ او اپݨے کورسز تے لیبز وچ اپݨے کماں وچ چنڳاں کریندا پیا ہا تے ایویں لڳدا ہا جو او طبیعات وچ کیریئر بݨاوݨ تے تیار ہے ۔ پر اونکوں شک ہا جو او ایں کیریئر کوں جاری رکھݨ چاہندا ہے یا کوئی ٻیا کیریئر ادب یا سیاست وچ ۔ انڈر گریجویٹ دے ادھ وچ او نوں مہینے کیتے چین تے تائیوان ڳیا تاں جو انگریزی پڑھاوݨ دی رضاکارانہ خدمت کرے تے چینی پڑھے ۔ او فزکس پڑھݨ دے ارادے نال واپس سٹینفورڈ آیا ۔ اوں 1985 وچ گریجویشن کیتی ۔

گریجوایٹ سکول کیتے او واپس ایم آئی ٹی ٹر ڳیا ۔ اتھاں او ڈیوڈ پرٹچرڈ دے گروپ وچ شامل تھیا ، جنھاں دا ہک جاری تجربہ ہا جیڑھا ٹریٹیم دے بیٹا ڈیکے توں الیکٹران نیوٹرینو دا ماس ناپݨ دی کوشش کریندا پیا ہا ۔ بھان٘ویں جو او نیوٹرینو دا ماس معلوم نہ کر سڳیا ، پر کارنیل 1990 وچ پی ایچ ڈی حاصل کیتی ۔

ڈاکٹریٹ حاصل کرݨ دے بعد او کولوراڈو بولڈر دی یونیورسٹی وچ کارل ویمین دے نال پوسٹ ڈاکٹریٹ محقق دے طور تے ہک چھوٹے لیزر کولنگ تجربے تے شامل تھیا ۔ پوسٹ ڈاک دے طور تے اپݨے ݙو سالاں دے دوران اوں لیزر کولنگ تے میگنیٹک ٹریپ وچ ایویپوریٹو کولنگ کوں ملا تے بوز-آئنسٹائن کنڈینسیٹ (BEC) بݨاوݨ دا ہک منصوبہ بݨایا ۔ انھاں دی تجویز دی بنیاد تے انھاں کوں بولڈر وچ جلا/این آئی ایس ٹی وچ مستقل پوزیشن دی پیشکش تھئی ۔ 1995 وچ کارنیل تے ویمین یونیورسٹی آف کولوراڈو دا جارج گامو میموریل لیکچر ݙتا ۔ 1995 وچ پہلا بوز-آئنسٹائن کنڈینسیٹ تیار کرݨ تے ، کارنیل ، ویمین تے وولف گینگ کیٹیرلے کوں 2001 وچ طبیعات دا نوبل انعام ملیا ۔ 1997 وچ ، ڈیبورا ایس جن کارنیل دے گروپ وچ جلا وچ شامل تھئی ، جتھاں انھاں 2003 وچ فرمیونک کنڈینسیٹ تیار کرݨ والی ٹیم دی قیادت کیتی ۔

او اڄ کل یونیورسٹی آف کولوراڈو بولڈر وچ پروفیسر تے یونائیٹڈ سٹیٹس ڈیپارٹمنٹ آف کامرس نیشنل انسٹیٹیوٹ آف سٹینڈرڈز اینڈ ٹیکنالوجی وچ ہک طبیعات دان (این آئی ایس ٹی فیلو) ہن ۔ انھاں دی لیب جلا وچ واقع ہے ۔ انھاں کوں 1998 وچ لورینٹز میڈل نال نوازیا ڳیا ہا تے او امریکن ایسوسی ایشن فار دی ایڈوانسمنٹ آف سائنس دے فیلو ہن ۔ انھاں کوں 2005 وچ امریکن اکیڈمی آف آرٹس اینڈ سائنسز دا فیلو چݨا ڳیا ہا ۔ کارنیل کوں 2001 وچ طبیعات دے نوبل انعام سمیت ٻہوں سارے ایوارڈز ملے ۔

·        فیلو ، امریکن اکیڈمی آف آرٹس اینڈ سائنسز ، 2005

·        طبیعات دا نوبل انعام ، 2001

·        ممبر ، نیشنل اکیڈمی آف سائنسز ، 2000

·        فیلو ، آپٹیکل سوسائٹی آف امریکہ ، 2000 وچ چݨیا گیا

·        آر ڈبلیو وڈ پرائز ، آپٹیکل سوسائٹی آف امریکہ ، 1999

·        بینجمن فرینکلن میڈل ان فزکس ، 1999

·        لورینٹز میڈل ، رائل نیدرلینڈز اکیڈمی آف آرٹس اینڈ سائنسز ، 1998

·        فیلو ، دی امریکن فزیکل سوسائٹی ، 1997 وچ چݨیا گیا

·        آئی آئی ربی پرائز ان ایٹامک ، مالیکیولر اینڈ آپٹیکل فزکس ، امریکن فزیکل سوسائٹی ، 1997

·        کنگ فیصل انٹرنیشنل پرائز ان سائنس ، 1997

·        نیشنل سائنس فاؤنڈیشن ایلن ٹی واٹرمین ایوارڈ ، 1997

·        کارل زائس ایوارڈ ، ارنسٹ ایبے فنڈ ، 1996

·        فرٹز لندن پرائز ان لو ٹمپریچر فزکس ، 1996

·        ڈیپارٹمنٹ آف کامرس گولڈ میڈل ، 1996

·        پریزیڈینشل ارلی کیریئر ایوارڈ ان سائنس اینڈ انجینئرنگ ، 1996

·        نیوکومب-کلیولینڈ پرائز ، امریکن ایسوسی ایشن فار دی ایڈوانسمنٹ آف سائنس ، 1995–96

·        جارج گامو میموریل لیکچر ، 1995

·        سیموئل ویسلی سٹریٹن ایوارڈ ، نیشنل انسٹیٹیوٹ آف سائنس اینڈ ٹیکنالوجی ، 1995

کارنیل 1995 وچ سیلیسٹ لینڈری نال شادی کیتی ، بالکل بی ای سی تجربے دی کامیابی توں کجھ مہینے پہلے ۔ انھاں دی پہلی دھی 1996 وچ تے ݙوجھی دھی 1998 وچ ڄمی ۔

اکتوبر 2004 وچ ، نیکروٹائزنگ فاشائٹس دے پھیلاؤ کوں روکݨ دی کوشش وچ ، انھاں دا کھٻا بازو تے مونڈھا کٹ ݙتا ڳیا ۔ او ادھ دسمبر وچ ہسپتال توں فارغ تھی ڳئے ، انفیکشن توں صحت یاب تھی تے اپریل 2005 وچ جزوی طور تے کم تے واپس آئے ۔ کارنیل 1990 وچ بولڈر منتقل تھیوݨ دے بعد کئی واری بولڈر بولڈر وچ ݙوڑا ہا ۔