اکھر ڳوجھی
اکھر ڳوجھی وکیپیڈیا دا ہک منصوبہ ہے۔ ایہ ہک آن لائن سرائیکی ڈکشنری ہے۔ ایہ اصلوں مفت ڈکشنری ہے۔ ایہ سرائیکی زبان دی سبھ کنوں وݙی لغت ہے۔ اکھر ڳوجھی وچ ݙڈھ لکھ کنوں ودھ سرائیکی الفاظ تے تے تراکیب ہن۔ ویہ ہزار کنوں ودھ سرائیکی اکھاݨ ہن۔ اکھر ڳوجھی دا بانی ایڈمن پرویز قادر ہے۔ سرائیکی اکھر ڳوجھی باقاعدہ طور تے ٢٢ نومبر ٢٠٢٠ء کوں منظور تھئی ہائی۔ اکھر ڳوجھی وچ الفاظ دا مسلسل ودھارا تھیندا پئے۔ بھُوم ڳوجھی تے اکھر ڳوجھی دے تعاون نال اے آئی وچ سرائیکی زبان شامل تھئی ہے۔
اہمیت
[لکھو | ماخذ وچ تبدیلی کرو]سرائیکی زبان دے حوالے نال ڈکشنری دی اہمیت دے کجھ پہلو ایہ ہن:
- زبان دی حفاظت: نویں نسل جیڑھی اپݨے قدیم لفظاں توں پرے تھیندی ویندی ہے، ڈکشنری دے ذریعے او لفظاں کوں دوبارہ سکھ سڳدی ہے۔
- ادبی تحقیق: سرائیکی دے شاعر تے ادیب جݙاں کوئی کلام لکھدن، تاں درست لفظاں دے ورتارے کیتے لغت دا سہارا گھندن۔
- اجنبی مسافراں کیتے: جیڑھے لوک سرائیکی وسیب وچ نویں آندن، او ڈکشنری دی مدد نال مقامی لوکاں دی ڳالھ مہاڑ کوں سمجھ سڳدن۔
اکھر ڳوجھی دی اہمیت
[لکھو | ماخذ وچ تبدیلی کرو]- ایہ سرائیکی زبان دی سبھ کنوں وݙی تے مکمل ڈکشنری ہے۔
- سرائیکی زبان دے سارے الفاظ محفوظ کرݨ دا اہم ذریعہ ہے۔
- ایندے نال سرائیکی زبان کوں ہک سُن٘ڄاݨ ملی ہے۔
- ایندے نال سرائیکی اے آئی وچ شامل تھئی ہے۔
- سرائیکی پڑھݨ آلے اتھوں لفظ دے مطلب ڳول سڳدے ہن۔
- لکھاری سرائیکی لکھݨ کیتے اتھوں چنگے چنگے لفظ لبھ سڳدے ہن۔
- ایندے نال سرائیکی تعلیمی ثقافتی تے عوامی زبان بݨ ڳئی ہے۔
- یاد رکھو: کہیں وی قوم دی سُن٘ڄاݨ اوندی زبان ہوندی ہے، تے ڈکشنری اوں زبان دا سب توں وݙا قلعہ ہوندی ہے۔
اکھر ڳوجھی دے بھائیوال بݨو
[لکھو | ماخذ وچ تبدیلی کرو]1. سرائیکی وکیپیڈیا تے مضمون لکھو۔
2. سرائیکی الفاظ تے تراکیب شامل کرو۔
3. سرائیکی اکھاݨ تے محاوریاں دا اضافہ کرو۔