اکبر مخمورؔ مغل
1956ء تا2017ء
اکبر مخمور مغل1956ء کوں ڈیرہ غازیخان دی ہک وستی نواں شہر موضع ہزارہ وچ حاجی علی محمد دے گھر پیدا تھئے۔میٹرک تک تعلیم حاصل کیتی،شعر و شاعری دا شوق پیدا تھیا تاں سرور کربلائی توں رہنمائی حاصل کتی۔اپنے استاد وانگوں خوبصورت شاعری کریندے ہَن۔مجال اے جو کتھائیں اوزان گھٹ ودھ تھیون یا الفاظ دی صوتی حالت وگڑے۔اکبر مخمور جتھاں ہک خوبصورت لب و لہجے دے شاعر ہَن اتھاں اوہ سرائیکی زبان دیاں رمزاں کوں جانن والے نثر نگار وی ہَن ۔جو قریباََ ہک لکھ الفاظ تے مشتمل سرائیکی ،اردو ڈکشنری’’اکھر پوتھی‘‘دے ناں نال مرتب کر چکے ہَن،جو آپ دا بہوں وڈا کار نامہ ہے۔مگر موت دا فرشتہ ایہ’’اکھر پوتھی ‘‘چھاپن توں پہلے آگیا تے آپ 2017ء وچ اللہ کوں پیارے تھی گئے۔
(1)غزل
[لکھو | ماخذ وچ تبدیلی کرو]ڈھول ول آیا نہ پاروں رات دا
پاند بوچھن دا جھباروں رات دا
ڈینہ کوں ان پانی دا پٹناں کھا ویندے
لحظہ کھن رل تے گزاروں رات دا
سالھیں پچھلے سال دی سیکل تے ہن
ویڑھ گئے پانی چدھاروں رات دا
چندر رہندا ڈو قدم نئیں ہم قدم
سجھ کوں سئیں کیویں قطاروں رات دا
لوک لُٹ گھندن چٹے ڈینہ دا سہاگ
کون ہے ہینیں دے واروں رات دا
اِتلا وی مخمورؔ سنگدل تاں نہیں
آویسی عاروں ویاروں رات دا