اکبر قابل
اصل ناں محمد اکبر
قلمی ناں اکبر قابلؔ
ڄمݨ 1980ء
فون نمبر 0301 3192138
جاہ پتہ موضع ٹھیڑی بنگلہ تحصیل احمد پور شرقیہ ضلع بہاولپور
(1)غزل
[لکھو | ماخذ وچ تبدیلی کرو]جو ہے میݙی جان دا دشمن اوہو تیݙا یار وے سانول
واہ وا تیݙا پیار وے سانول ،واہ وا تیݙا پیار وے سانول
کل میں اکھیں نال ݙٹھا ہے تیݙا فوٹو غیر دے رَلّے
ݙوہیں ناز نیاز اچ ہاوے منہ تے ہَن مسکار وے سانول
اُٹھدیں بٖہندیں اوندیاں نظراںغیر دی جھوک ݙے پھیرا پیندین
جیندی خاطر بُھل ٻیٹھا ہاں میں اپنْاں گھر بٖار وے سانول
میݙے سر تے ہتھ رکھ جانی قسماں چا توں آہدا ہانویں
تیݙا ہاں بٖس تیݙا رہساں، کر میݙا عتبار وے سانول
کوڑیاں قسماں ݙیکے میکوں ، غیراں نال وی پوری کیتی
تَیں جھاں قابلؔ میں نئیں ݙٹھا ایں جڳ تے فنکار وے سانول