اُستاد نزاکت علی خاں ، اُستاد سلامت علی خان

گاوݨ دی دنیا ءِ چ اُستاد نزاکت علی خاں، اُستاد سلامت علی خاں دا ٻہوں وݙا  ناں اے۔1950-60ء دے عشرے وچ گائیکی کوں آسمان تے پُڄایا۔اُستاد نزاکت علی خاں ،اُستاد سلامت علی خاں دا تعلق شام چراسی دے خاندان نال ہئی۔1947ء ءِ چ ملتان آڳئے۔ سئیں علی تنہا آپݨی کتاب ’’ریت میں سونا‘‘ ءِ چ لکھدن جو سرائیکی وسیب اُستاد گنپت رام ،حیدر باندھی، اُستاد رحمت نگینہ ملتانی، بدرو ملتانی، نور جہاں لیہ آلی، مائی اللہ وسائی دے نال نال مہاندرے کلاسیکل گائیک اُستاد نزاکت علی خاں، اُستاد سلامت علی خاں دے ناویں نال گونجدا پیا ہئی۔ ملتان تے بہاولپور موسیقی دے مرکز ہن پر انہاں ݙو بھراویں دی جوڑی آ تے گائیکی اچ خصوصاً خواجہ فریدؒ دے کافیاں کوں اسمان تے پُڄایا۔1972ء ءِ چ ݙوہیں بھرانویں دے درمیان اختلاف تھیا تے اے جوڑی تُرٹ ڳی۔اڄ وی انہاں ݙوہیں بھراویں دیاں وسیب دے وچ ایہو جیہاںیاداں ہن جو وساریں نی وساریاں ونجٖ سڳدیاں۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء