اُساری
اُساری ہک ایجھا کم اے جیرھا وستی ءِچ ٻارھاں مہینے چلدا رہنداہا ، نویں گھر مکان تے کوٹھے بݨدے رہندے ہن ، مرمتاں وی تھیندیاں رہندے ہن ، گھر ءِچ جتھاں کوٹھے ہوندن اُتھاں برآمدے وی ہوندن ۔ تھلے وی بݨدے ہن ۔ کوئی چوٻارہ وی پویندے ، اونکوں ماڑی آکھدن ۔ پہلے سالہیں ہوندیاں ، چھاندݨ تے چھپریاں وی بݨدیاں ہن ۔ گھر دے نال یا تھولی پروبھری جاہ وساخ وی بݨائی ویندی ہئی ۔ اینکوں دیرہ وی اَکھیندے ہن ۔ اساں مستری نور احمد ، مستری عبدالقادر ، مستری نواز کمبہار ، مستری یٰسین ، مستری رحیمݨ ،مستری حمید کوں کم کریندا ݙٹھے ۔ پیر بخش دھریجہ مزدوری کریندا ہا ، گارا چنگاں بݨدا ہا ،مستری کوں سلھ سوہݨی ݙیندا ہا ، چھت دی لپائی سانگے بھوں آلا وݙا گارا بݨدا ہا ۔
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان