اَڄ خوشبو مچدی پئی اے
اَڄ خوشبو مچدی پئی اے
میݙے سانول میندی لئی اے
میݙے سانول کوں کیا لوڑھ اے
اونکوں رنگیں دی کیا تھوڑ اے
ونجٖ میندی پیریں پئی اے
میݙے سانول میندی لئی اے
ہک کلیاں لوئی میندی
ول مہک اوندے پیریں دی
رَچ ڳئی اے دُھم مچ ڳئی اے
میݙے سانول میندی لئی اے
او میندیاں لا کے سُم ڳئے
تھی تارے سارے جھُم ڳئے
چس چاندݨی چیندی پئی اے
میݙے سانول میندی لئی اے
حوالہ
[لکھو | ماخذ وچ تبدیلی کرو]سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان