اوپن یونیورسٹی اچ سرائیکی کلاساں

اسلام آباد ہر سال جھوک میلہ کرویندوں، اتھاں اساں علامہ اقبال اوپن یونیورسٹی وچ شعبہ پاکستانی زبانیں دے ہیڈ ڈاکٹر انعام الحق جاوید کوں ونجٖ تے ملیوسے تے آکھیا جو سرائیکی کالجیں وچ وی آ ڳی اے، تے سینکڑاں لوک ایم اے سرائیکی کر چکین، سرائیکی وچ ایم فل تے پی ایچ ڈی ہووے انہاں وعدہ کیتا، شکر اے شروع تھی ڳی ، الحمد اللہ ! علامہ اقبال اوپن یونیورسٹی دے شعبہ پاکستانی زبانیں ءِ چ سرائیکی ہُݨ پہلے نمبر تے ہے تے سب توں زیادہ تعداد سرائیکی دی ہے ، اے ساریاں کوششاں ایں سانگے ہن جو سرائیکی ہک تاں اکیڈمک زبان بݨے تے ٻیا اے جو ملازمتاں پیدا تھیسن تاں سرائیکی دے داخلے تھیسن تے لوک سرائیکی پڑھݨ آلے پاسے آئوسن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء