اوٹو فرٹز مائرہوف

اوٹو فرٹز مائرہوف

اوٹو فرٹز مائرہوف (12 اپریل 1884 – 6 اکتوبر 1951) ہک جرمن طبیب تے بائیو کیمسٹ ہا جئیں 1922 دا فزیالوجی تے میڈیسن دا نوبل انعام جتیا ۔

جیوݨ جوڳ

اوٹو فرٹز مائرہوف ہنوور اچ تھیٹر پلیٹز 16A (ہݨ: راتھیناؤسٹراسی 16A) اچ ہک امیر یہودی ٹٻر دے گھر پیدا تھیا ہا ۔ 1888 اچ ایندا ٹٻر برلن منتقل تھی ڳیا ، جتھاں اوٹو اپݨا ٻہوں سارا ٻلپݨ گزاریا ، تے جتھاں اوں طب دا مطالعہ شروع کیتا ۔ اوں ایہ مطالعہ سٹراس برگ تے ہائیڈل برگ اچ جاری رکھیا ، جتھوں اوں 1909 اچ گریجویشن کیتی ، جیندے کم دا عنوان ہا "ذہنی بیماری دی نفسیاتی تھیوری اچ سانجھ" ۔

ہائیڈل برگ اچ ایندی ملاقات ہیڈوگ شالنبرگ نال تھئی ۔ انہاں 1914 اچ شادی کیتی تے انہاں دے ترائے ٻال ہن: ہک دھی ، بیٹینا ، تے ݙو پتر ، گوٹ فرائیڈ (جئیں ہجرت دے بعد انگریزی ناں جیفری استعمال کیتا) تے والٹر ۔

1912 اچ اوٹو مائرہوف یونیورسٹی آف کیل منتقل تھی ڳیا ، جتھاں اینکوں 1918 اچ پروفیسر شپ ملی ۔ 1922 اچ اینکوں آرچیبالڈ ویوین ہل دے نال ، پٹھے دے میٹابولزم تے ایندے کم کیتے ، بشمول گلائکولائسس ، طب دا نوبل انعام ݙتا ڳیا ۔ 1929 اچ او ہائیڈل برگ اچ قیصر ولہیم انسٹی ٹیوٹ فار میڈیکل ریسرچ دے ڈائریکٹرز اچوں ہک بݨ ڳیا ، جیڑھا عہدہ اوں 1938 تئیں سنبھالیا ، جݙاں یہودیاں کوں یونیورسٹی دے تدریسی عہدیاں توں کڈھ ݙتا ڳیا ۔

نازی حکومت ولوں یہودیاں تے ودھدے ہوئے ظلم توں بچݨ کیتے ، 1938 اچ مائرہوف اپݨے ٹٻر نال پیرس ہجرت کر ڳیا ۔ 1940 اچ فرانس دے زوال دے بعد ، او مارسیل فرار تھی ڳئے ۔ ایمرجنسی ریسکیو کمیٹی دی مدد نال ، او اوں سال جہاز راہیں امریکہ روانہ تھئے ۔ مائرہوف فلاڈیلفیا اچ یونیورسٹی آف پنسلوانیا اچ گیسٹ پروفیسر شپ تے مقرر تھیا ۔

مائرہوف 67 سال دی عمر اچ فلاڈیلفیا اچ فوت تھی ڳیا ۔ نوبل انعام حاصل کرݨ دے علاوہ ، اینکوں گلائکولائسس دے مطالعے اچ ایندیاں سانجھاں کیتے وی سراہا ڳیا ، یوکریوٹس اچ راستے کیتے عام سلسلے دے رد عمل کوں ایمبڈن-مائرہوف-پارناس پاتھ وے دے ناں نال ڄاݨیا ویندا ہے ۔