اونی تے سوتی کپڑا

اونی تے سوتی کپڑا پاؤلی کھڈی تے تیار کریندے ہن تے ایندے بعد نرِالی تے چھینھبےانھیں کوں ون پونےرنگ ڈے کےکئی ونکیاں بݨا ڈیندے ہن۔ جیویں جو کھیس ، تول نہالیاں ، سوہے ، کندورے، سوڑیں ، گِندیاں ، چادر اں ، بوچھݨ ، رومال وغیرہ۔ سرائیکی وسیب اِچ خانپور کٹوریاں والے دے کْٹ دی دھات دے مْنگر تے کٹورے ، تونسہ دے ٹھڈے گھڑے تے کاٹھی دیاں بالوبان دیاں کنگھیاں ، احمد پور شرقیہ دے مٹی دے برتن ، کچھی تھل دیاں دیدہ زیب چنگیراں تے تݙ یاں ، دیرے دے ہماچے ، دمان دے دْسے تے ݙوہراں ملتان دی نقاشی تے کا شی کاری بکھر دا تیل بہوں مشہور ہن۔پہلے اے سارے کم لوک آپڑیں ہتھیں نال کریندے ہن۔ جیندے کرݨ نال انہاں دا ایہ فائدہ تھیندا ہا جو انہیں دی ورزش تھئی راہندی ہئی محنت آلا کم کرݨ نال او بیماریں کنوں وی بچے راہندےہن تے خالص غذاواں وی کھاندے ہن جیویں کہ کھیر ، مکھݨ، ݙہی ، دیسی گھیو ، ٻاجھری دی روٹی ، جوار دی روٹی ، ساگ ، مختلف سبزیاں جیڑھیاں او آپ رہیندےہن ۔ تازی سبزی پٹ کےکھاندے ہن ۔

انہیں دی زندگی بہوں سادہ ہوندی ہئی ۔ گرمیوں کو اکثر او وسل بھن کے مکھݨ تے لسی نال نِرھان کریندے ہن تے سردیں کوں خالص کھیر دی چاہ تے دہی بݨا کے روٹی پکا کے کھا ندے ہن۔ اےلو ک لکڑیں ٻال کے چلھ تے بھاجی تے تنور دی روٹی کھاندے ہن۔ دیہات دیاں تریمتیں آپݨے ، بالیں دے تے گھر دے مردیں دے کپڑے ہتھیں نال دھوندیاں ہن۔  ہݨ تاں گھر گھر وچ مشیناں عام تھی گئن۔ کپڑے دھووݨ واسطے واشنگ مشین دا استعمال تھیندا پئے ۔ ٹوکے ٹکݨ آلی مشین ،لسی ولولݨ آلی مشین ،مندھاݨی، رڑھ کپݨ واسطے وی مشیناں آ گِیاں ہن۔تریمتیں گھڑے جا کے ٹوبھے تے ویندیاں ہن ۔ہن گھر گھر اچ موٹراں لگیاں ہن۔

تنا: تناسیپ دے اوں خاص ڈیزائن کوں آہدن جیکوں تریمتیں سنڑھپ کیتے اپݨی قمیض د ے گلے تے لیندن ۔ تنے دا ہک ڈیزائن ہفت باغ سڈیندے جیندے وچ ست وڈے وڈے ستارہ نما پھل بݨائے ویندن۔

حوالہ

سرائیکی افسانے تے ناول وچ دیہاتی منظر نامہ، تحقیقی و تنقیدی مطالعہ (مقالہ نگار: صبیحہ منظور )  نگران مقالہ ڈاکٹر مقبول حسن گیلانی