اوم پوری

اوم پوری
(ہندی : ओम पुरी)، (انگریزی : Om Puri)
معلومات شخصیت
پیدائشی ناں	(پنجابی : ਓਮ ਪ੍ਰਕਾਸ਼ ਪੁਰੀ)
ڄمݨ	18 اکتوبر 1949ء   انبالہ
وفات	6 جنوری 2017ء (68 سال)  اندھیری
وجہ وفات	دورۂ قلب
طرز وفات	طبعی موت
شہریت	بھارت
قد	1.75 میٹر
ٻال	1
عملی زندگی
مادر علمی	فلم اینڈ ٹیلی ویژن انسٹی ٹیوٹ آف انڈیا قومی ڈراما اسکول
کم	فلم اداکار ،  ٹیلی ویژن اداکار
پیشہ ورانہ زبان	ہندی ،  انگریزی
اعزازات
افیسر آف دی آرڈر آف دی برٹش ایمپائر (2004)  فنون میں پدم شری   (1990) قومی فلم اعزاز برائے بہترین اداکار   (برائے:آروہن (فلم) اور ارد ستیا ) (1982)
	IMDB پر صفحات

ہندوستانی آرٹ سنیما دے مشہور اداکار۔ جنہاں ٻہوں ساریاں انگریزی فلماں وچ کم کیتا۔ 18 اکتوبر 1950ء کوں ہریانہ وچ پیدا تھئے۔

ابتدائی حالات

ٻالپݨ ٻہوں غربت وچ گزرا اتے چھی سال دی عمر وچ گزر اوقات کیتے انبالہ وچ شاہ دے کھوکھے تے کم کریندے رہے۔ انہاں لوکل تھیٹر وچ چھوٹے موٹے رول کرݨ شروع کر ݙتے۔ ایں دوران وچ پنجابی تھیٹر دی ہک مہان ایکٹر اتے ڈائریکٹر نیلم مان سنگھ دی نظر پئی۔ اوہ انھاں کوں دلی وچ نیشنل اسکول آف ڈراما (این ایس ڈی) ڳھن ڳئی اتے بھارتی تھیٹر دے مہان گرو ابراہیم القاضی دے سامݨے پیش کر ݙتا ’’ایں ٻال وچ دم ہے۔ داخلہ مل ونڄے تاں مایوس ناکریسی‘‘ ایں طرحاں 1973ء وچ این ایس ڈی وچ داخلہ تھی ڳیا۔ ایں کلاس وچ نصیر الدین شاہ وی ہن۔

فلم

1976ء توں فلماں وچ کم کرݨ شروع کیتا اتے انہاں دی پہلی فلم گھاسی رام کوتوال ہئی۔ ایندے بعد توں انہاں ہݨ تائیں ستر توں ودھ فلماں، ٹی وی سیریلز اتے ڈرامیاں وچ کم کیتا ہے۔

ہندی اتے ٻئی ہندوستانی زباناں دے علاوہ انہاں ست توں ودھ انگریزی فلماں وچ وی کم کیتا جِنہاں وچ گاندھی، سٹی آف جوائے، دی پیرول آفیسر، ہیپی ناؤ، دی زو کیپر، گھوسٹ اینڈ ڈارکنس اتے گاندھی وغیرہ شامل ہن۔ ایندے علاوہ انہاں ایسٹ از ایسٹ، وائٹ ٹیتھ، اتے کنٹربری ٹیل جئیں انگریزی ٹی وی سیریلز وچ وی نمایاں اداکار دے طور تے کم کیتا۔ پاکستان فلم انڈسٹری نال وی انہاں کوں ٻہوں پیار ہئی۔ جیندا ثبوت انہاں دی فلم ایکٹر ان لا ہے۔

برطانوی فلمیں

اداکار دے طور تے برطانیہ نال انہاں دا تعلق 1980ء وچ فلم ’جویل ان دی کراؤن‘ توں شروع تھیا۔ ایندے علاوہ انہاں ’برادر ان ٹربل‘، ’مائی سن اے فیناٹک‘ اتے شیکسپیئر دے ڈرامے ’کنگ لیئر‘ دے نویں روپ وچ وی کم کیتا ہے۔ 2004ء وچ ملکہ برطانیہ نے ’آرڈر آف برٹش ایمپائر‘ دے اعزاز نال نوازیا۔

آخری ایام

بھارت وچ پاکستانی اداکاراں دی مخالفت دے ماحول وچ انہاں انہاں دا دفاع کیتا۔ جیندے تے انہاں کوں اپݨے مُلک وچ تنقید دا سامݨا رہیا اتے اوہ دل برداشتہ تھی ڳئے۔ 6 جنوری 2017ء کوں انہاں دا انتقال تھی ڳیا۔