انیتا ہل

انیتا فائے ہل (پیدائش 30 جولائی) ہک امریکی وکیل تے ماہر تعلیم ہَن۔ اوہ برینڈیز یونیورسٹی وچ سماجی پالیسی، قانون تے زنانیاں دی تعلیم دی پروفیسر ہَن۔ اوہ ہیلر اسکول برائے سماجی پالیسی تے انتظامیہ یونیورسٹی دی تدریسی رکن ہَن۔ اوہ 1991ء وچ اوس وقت قومی شخصیت بݨ ڳئیں جݙاں انّھاں نے ریاستہائے متحدہ امریکا دے محکمہ تعلیم وچ اپݨے انتظامی افسر کلیرنس تھامس (امریکی سپریم کورٹ کیتے نامزد) تے جنسی ہراسگی دا الزام لایا۔

ابتدائی حیاتی

انیتا ہل اوکلاہوما دے ہک کسان خاندان وچ پیدا تھئیں، اوہ اپݨے پیو البرٹ تے ماں ارما ہل دے 13 بچّیاں وچوں سبھ توں چھوٹی ہَن۔ انّھاں دا خاندان آرکنساس توں آیا ہئی جتھاں انّھاں دے ڄاݙے تے نانی غلامی دی حیاتی بسر کریندے ہَن۔

اوکلاہوما دے مورس ہائی اسکول توں فارغ التحصیل تھیوݨ دے بعد انّھاں نے اوکلاہوما اسٹیٹ یونیورسٹی وچ داخلہ گھدا تے 1977ء وچ اعزاز دے نال نفسیات وچ بیچلر ڈگری حاصل کیتی۔

انّھاں نے راس دی واشنگٹن ڈی سی فرم دے نال بطور ایسوسی ایٹ اپݨے قانونی کیریئر دا آغاز کیتا۔ 1981ء وچ اوہ کلیرنس تھامس دی وکیل دی مشیر بݨ ڳئیں جیڑھے اوس وقت امریکی محکمہ تعلیم دے دفتر برائے شہری حقوق دے دفتر دی اسسٹنٹ سکریٹری ہَن۔

جݙاں تھامس 1982ء وچ امریکی روزگار مواقع کمیشن (ای ای او سی) دے چیئرمین بݨے تاں انیتا ہل نے 1983ء وچ ملازمت چھوڑ کے انّھاں دی معاون دی حیثیت نال کم شروع کر ݙتا۔

درس تے تدریس

انیتا ہل ایں دے بعد اورنل رابرٹس یونیورسٹی وچ اسسٹنٹ پروفیسر بݨ ڳئیں جتھاں انّھاں نے 1983ء توں 1986ء تک تدریس دے فرائض سر انجام ݙتے۔

1986ء وچ انّھاں نے اوکلاہوما کالج آف لا یونیورسٹی دے اساتذہ وچ شمولیت اختیار کیتی جتھاں اوہ تجارتی قانون تے معاہدیاں دی تدریس نال وابستہ رہیں۔