انیتا دیسائی

انیتا دیسائی
(ہندی میں: अनीता देसाई)
معلومات شخصیت
پیدائش	24 جون 1937ء (88 سال)  مسوری، اتراکھنڈ
شہریت	برطانوی ہند ڈومنین بھارت بھارت
رکنیت	رائل سوسائٹی آف لٹریچر
اولاد	کرن ڈیسائی
عملی زندگی
مادر علمی	دہلی یونیورسٹی میرانڈہ ہاوس، دہلی
پیشہ	مصنفہ ،  ناول نگار ،  استاد جامعہ ،  افسانہ نگار
پیشہ ورانہ زبان	جرمن ،  انگریزی
نوکریاں	میساچوسٹس انسٹیٹیوٹ برائے ٹیکنالوجی ،  ماؤنٹ ہولیوک کالج ،  سمتھ کالج
اعزازات
پدم شری اعزاز برائے ادب و تعلیم   (1989) ساہتیہ اکادمی ایوارڈ   (برائے:Fire on the Mountain ) (1978) فیلو آف دی رائل سوسائٹی آف لٹریچر
نامزدگیاں
مین بکر پرائز (1999) مین بکر پرائز (1984) مین بکر پرائز (1980)
دستخط
	IMDB پر صفحہ

انیتا دیسائی دی پیدائش 24 جون 1937ء کوں تِھئی۔ اوہ ہک بھارتی ناول نگار ہِن تے میساچوسٹس انسٹی ٹیوٹ آف ٹیکنالوجی وچ ہیومینٹیز دی پروفیسر وی رہیاں ہِن ۔ ہک مصنف دی حیثیت نال انّھاں دا ناں ترے واری بکر پرائز کِیتے شارٹ لسٹ وی تِھیا۔ انّھاں کوں ہندوستان دے نیشنل اکیڈمی آف لیٹرز دے ساہتیہ اکیڈمی توں اپݨے ناول فائر آن ماؤنٹین کِیتے سن 1978ء وچ ساہتیہ اکیڈمی ایوارڈ وی مِلیا۔

ابتدائی حیاتی

انیتا دیسائی سن 1937ء وچ ہندوستان دے شہر مسوری وچ ہک جرمن تارکین وطن والدہ ٹونی نیم دے ہاں پیدا تِھئیاں۔ انّھاں دے والد ہک بنگالی تاجر، ڈی این مظومدار ہَن۔ انّھاں دے بنگالی پیو دی پہلی وار انّھاں دی جرمن ماں نال اِیں ویلے ملاقات تِھئی جݙݨ اوہ جنگ توں پہلے برلن وچ انجینئری دا طالب علم ہَن تے انّھاں دی شادی اِیں دور وچ تِھئی جݙݨ ہک ہندوستانی مرد کِیتے ہک یورپی زنانی نال شادی کرݨا بہت غیر معمولی ڳالھ ہئی۔ اِیں شادی دے فوراً بعد، اوہ نئی دہلی چلے ڳئے، جِتھاں دیسائی کوں اپݨیاں ݙو وݙّیاں بھین٘ہاں تے بھائی دے نال پالا ڳیا۔ اوہ اپݨے گھر وچ جرمن دے نال نال ہندی ٻولدے ہوئے وݙّی تِھی ڳئیاں۔ اوہ گھر توں ٻاہر بنگالی، اردو تے انگریزی وی ٻولیندی ہَن۔ انّھاں نے سب توں پہلے اسکول وچ انگریزی پڑھی۔ اِیہی انّھاں دا انگریزی نال لگاؤ پیدا تِھیا تے اِیں دے نتیجے وچ انگریزی انّھاں دی "ادبی زبان" بݨ ڳئی۔ انّھاں نے ست سال دی عمر وچ انگریزی وچ لکھݨا شروع کِیتا تے ݙاہ سال دی عمر وچ اپݨی پہلی کہانی شائع کِیتی۔ اوہ دہلی دے کوئین میری ہائر سیکنڈری اسکول وچ طالب علم ہَن تے پھر انّھاں نے 1957ء وچ دہلی یونیورسٹی دے مرانڈا ہاؤس توں انگریزی ادب وچ بی اے دی سند حاصل کِیتی۔ اڳلے ہی سال انّھاں نے ہک کمپیوٹر سافٹ ویئر کمپنی دے ڈائریکٹر تے کتاب بیٹیوین ایٹرنٹیز: آئیڈیاز آن لائف اینڈ دی کاسموس دے مصنف اشون دیسائی نال شادی کِیتی۔ بکر انعام یافتہ ناول نگار کرن دیسائی سمیت انّھاں دے چار بچّے ہِن۔

کیریئر

دیسائی نے اپݨا پہلا ناول، کری دی میور، 1963ء وچ شائع کِیتا۔ اوہ کلئیر لائٹ آف ڈے (1980ء) کوں اپݨی سب توں بہترین تصنیف سمجھدیاں ہِن۔ 1999ء دے بکر پرائز فائنلسٹ ناول فاسٹنگ نے انّھاں دی مقبولیت وچ اضافہ کِیتا۔ انّھاں دی مختصر کہانیاں دا تازہ ترین مجموعہ، آرٹسٹ آف لاپتہ، 2011ء وچ شائع تِھیا۔ دیسائی نے ماؤنٹ ہولیوک کالج، بارچ کالج تے اسمتھ کالج وچ وی تعلیم ݙِتی۔ اوہ رائل سوسائٹی آف لٹریچر، امریکن اکیڈمی آف آرٹس اینڈ لیٹرز تے گرٹن کالج، کیمبرج وچ وی شامل ہَن۔