انگہ

ضلع خوشاب تے تحصیل نوشہرہ دا اے نِکا جیہاں قصبہ نوشہرہ توں ٻارہاں کلو میٹر دے فاصلے تے واقع ہے۔حضرت شاہ بلاول دی نسبت نال ایکوں پہلے ’’انگہ شاہ بلاول‘‘ آکھیا ویندا ہا۔ ویلھا گذرݨ دے نال صرف انگہ رہ ڳے۔انگہ دی وجہ تسمیہ حضرت بلاول دی کرامت دے نال جوڑی ویندی اے۔جیندے مطابق ہک واری ہک پتھر ہتھ ء ِچ چاتا تاں ایندے تے آپ دی انگلیاں دے نشان پے ڳے۔ ݙوجھی روایت دے مطابق کہیں آپ کنوں جائے سکونت پچھی تاں آپ آکھیا ’’آں گاہ‘‘ انگہ فارسی دے لفظ ’’آں گاہ‘‘ دی وِڳڑی ہوئی شکل اے۔ اے وی آکھیا ویندے جو حضرت شاہ بلاول جانوریں کوں وبائی امراض توں بچاوݨ کیتے تیل دم کر تے ݙیندے ہن تے جانوریں کوں کٹھا کر تے دم پڑھدے ہن تیل دم کر تے جانوریں کوں نشان لاوݨا ’’انگ‘‘ آکھیا ویندے۔ ہیں وجہ نال اے دیہات انگہ سݙویجٖݨ پے ڳیا۔

1966ء ء ِچ اینکوں یونین کونسل دا درجہ ملیا ،اتھاں طلباء طالبات دے سکول تے ہسپتال وی موجود ہن، جݙاں جو چار مشہور اولیاء کرام دے مزار وی ہن ۔ حضرت سخی سلطان فتح محمد انگہ دے ٻاہرلے قبرستان ء ِچ دفن ہن۔ انگہ دا ٻاہرلا قبرستان ٻہوں قدیم ہے۔معروف عالم دین تے مذہبی سکالر مولانا غلام مُرشد تے عبد الحکیم انگوی دا تعلق اِیں قصبے نال ہے۔مولانا غلام علی مُرشد 1895ء ء ِچ پیدا تھئے ہن۔ شیخ الہند مولانا محمود الحسن توں فیض یاب تھئے۔وَل اجمیر شریف  اِچ تعلیم حاصل کرݨ دے بعد لاہور دے مدرسہ نعمانیہ ء ِچ مدرس تھی ڳے۔مصنف تے پروفیسر طارق انیس دا تعلق وی اِیں قصبہ انگہ نال ہے۔ اسلام میری پسند، ورفعنالک ذکرک (مائیکل ایچ کی کتاب کا ترجمہ) آپ دیاں تصانیف ہن۔ مولانا عبد الحکیم قاسمی وی انگہ نال تعلق رکھدن۔ آپ 1984ء ء ِچ فوت تھئے ۔