انگلینڈ خواتین کرکٹ ٹیم بمقابلہ پاکستان بمقام ملائیشیا 2019–20ء

انگلینڈ دی تریمتیں دی کرکٹ ٹیم نے دسمبر 2019ء وچ ملائیشیا وچ پاکستانی تریمتیں دی کرکٹ ٹیم دے نال کھیݙیا۔ ایہ دورہ 3تریمتیں دے ہک روزہ بین الاقوامی میچاں تے مشتمل ہا جیہڑا 2017-20ء آئی سی سی تریمتیں دی چیمپئن شپ، تے 3 تریمتیں دے ٹوئنٹی20 بین الاقوامی دا حصہ ہا ۔ سارے میچز کوالالمپور دے کنارا وچ کھیݙیے ڳئے۔ پاکستان ایں توں پہلے ہک روزہ بین الاقوامی میچاں وچ 8 واری انگلینڈ دے خلاف کھیݙچکا ہا، بغیر کہیں جیت دے۔ ٹوئنٹی20 بین الاقوامی وچ ٹیماں پہلے 10 واری آمݨے سامݨے تھی چکیاں ہن، انگلینڈ نے انہیں وچوں 9 میچ جیتے ہن۔

پاکستان نے ایں توں پہلے اکتوبر 2018ء وچ آسٹریلیا دے خلاف 2017-20ء آئی سی سی ویمنز چیمپئن شپ دے حصے دے طور تے ملائیشیا وچ ہوم سیریز کھیݙی ہئی۔ دورے توں پہلے پاکستان کرکٹ بورڈ (پی سی بی) نے تصدیق کیتی جو بسمہ معروف میچاں کیتے ٹیم دی کپتان رہسن۔ تریمتیں دی کرکٹ وچ پاکستان دی سبھ توں ودھ کیپ کرݨ آلی کھݙاڑی ثنا میر نے اعلان کیتا جو انہاں نے بین الاقوامی کرکٹ توں وقفہ گھدا ہے تے ایں دورے توں محروم تھی ڳئیاں ہن۔

انگلینڈ نے پہلے 2 میچاں وچ جیت دے نال ناقابل تسخیر برتری حاصل کرݨ دے بعد ہک روزہ بین الاقوامی سیریز جیت گھدی۔ فائنل میچ بارش دی وجہ نال بے نتیجہ ختم تھیا لہٰذا انگلینڈ نے سیریز 2-0 نال جیت ڳھدی۔ انگلینڈ نے پہلے 2 ٹوئنٹی20 بین الاقوامی میچ وی جیت تے سیریز جیت ڳھدی۔ انگلینڈ نے تریجھا تے آخری میچ 24 رنز نال جیت تے سیریز 3-0 نال جیت ڳھدی۔