انگریزاں ملتان دا دارالحکومت ختم کیتا
انگریزیں دی آمد توں پہلے ملتان صوبائی دارالحکموت ہا ،دارالحکمومت دا درجہ ختم کرتے انگریزیں اینکوں ضلع دا درجہ ݙتاجیندے وچ پنج تحصیلاں ملتان ،شجاع آباد ،لودھراں (کجھ عرصہ ہیڈ کوارٹر کوٹ پیر سادات ) میلسی تے سرائے سدھو قائم کیتیاں ڳیاں ۔نہر سندھنائی دی احداثی دے نتیجے ءِ چ سرائے سدھو توں تحصیل ہیڈ کوارٹر کبیر آلا منتقل کیتا ڳیا ۔نہر لوئر باری دو آب دی احداثی دے کبیر آلا تحصیل توں خانیوال تحصیل بݨائی ڳی ۔میلسی تحصیل کنوں نویں تحصیل وہاڑی بݨائی ڳی ۔سابقہ ضلع ملتان دی ترائے تحصیلاں وہاڑی (1976) خانیوال (1985) تے لودھراں (1992) کوں قیام پاکستان دے ٻہوں عرصہ بعد ضلع دا درجہ ݙتا ڳیا ۔ وہاڑی ءِ چ ہک نویں تحصیل بورے والہ ، خانیوال ءِ چ ݙو نویاں تحصیلاں میاں چنوں ، جہانیاں اَتے لودھراں ءِ چ ݙو نویاں تحصیلاں کہروڑ پکا تے دنیاپور بݨائی ڳئی ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء