انو اگروال

انو اگروال
معلومات شخصیت
ڄم	11 جنوری 1969ء (56 سال)  دہلی
شہریت	بھارت
عملی زندگی
پیشہ	ادکارہ ،  ماڈل
پیشہ ورانہ زبان	ہندی
	IMDB پر صفحہ

انو اگروال ہک بھارتی فلمی اداکارہ ہن۔

انو اگروالکوں ملکا گنج، نئی دلی، ہندوستان وچ پیدا تھئین۔ اوہ اپݨیاں فلمیں "عاشقی"، "دا کلاؤڈ ڈور" تے "تھروڈا تھروڈا" کیتے ڄاݨیاں ویندین۔

ابتدائی زندگی تے کیریئر

انو اگروال 11 جنوری 1969ء کوں نئی دہلی وچ پیدا تھئین تے اتھائیں پرورش پاتی۔ اوہ دہلی یونیورسٹی وچ عمرانیات دے مضمون وچ گولڈ میڈلسٹ ہن۔ کجھ دیر ماڈلنگ تے وی جے بݨݨ دے بعد انہاں نے دور درشن دی ہک سیریل "اسی بہانے" (1988ء) توں اداکاری دا آغاز کیتا۔ بالی ووڈ وچ فلمیں دا آغاز ہک ٻہوں ہی مقبول تے پسند کیتے ونڄݨ آلی فلم "عاشقی" نال کیتا، جیندے بعد اوہ کئی سال فلم سازاں دی اولین ترجیح بنݨی رہن۔

1997ء وچ انہاں نے بہار دے یوگا اسکول وچ داخلہ ڳھدا تے اتھاں کرما یوگی بݨ کے رہݨ لڳین۔ 1999ء وچ اوہ ممبئی واپس آئین تاکہ اپݨیاں چیزاں سمیٹ ڳھنن تے یوگا دے ذریعے لوکیں دی خدمت کرن پر ہک کار حادثے دا شکار تھی کے ٻہوں شدید زخمی تھی ڳئین۔ 29 ݙیہاڑے تک اوہ کوما وچ رہین جیندے توں انہاں دی یاداشت چلی ڳئی۔

2001ء وچ اوہ جوگی بݨ ڳئین۔ انو اگروال ممبئی وچ رہندین تے انہاں نے شادی کائنی کیتی۔ اوہ یوگا دی مشق کریندین تے ہک انٹرویو وچ انہاں نے ݙسیا جو:"مضبوط محسوس کرݨ، لوکیں دے درمیان اعتماد نال چلݨ تے بہتر محسوس کرݨ کہیں طرح توں وی غلط کائنی۔ انساناں وچ جسمانی طاقت دا راز انسانیت دے لمبے عرصے تک لوک روایات، گیتاں تے شاعری دے ذریعے عورتاں کوں خراج تحسین پیش کرݨ وچ مضمر ہے۔"موجودہ معاشرے دی بہتری کیتے انو اگروال کم کریندین، انہاں نے پہلے اپݨا مقام خود بݨایا تے ولا اپݨی صحت وی اپݨی قوت مدافعت نال بہتر بݨائی تے ایویں اوہ معاشرے کوں وی بہتر بݨاوݨ چاہندین۔ اوہ ٹیڈ ٹاکس تے وی حوصلہ افزا خطیب ہن۔ انو اگروال فاؤنڈیشن ذہنی صحت، ماحولیات دی بہتری، ذہنی دباؤ وچ کمی تے روزمرہ دی زندگی وچ خوشی تے لطف ڳولݨ کیتے کم کریندی ہے۔

فلمی گرافی

• اسی بہانے (ٹی وی سیریز) بطور پرینیتا
• فیس آف شویپس انڈین ٹانک (پیرس میں ماڈل)
• عاشقی (پہلی فلم)(1990)
• غضب تماشا
• تھروڈا تھروڈا
• کنگ انکل
• کھل نائیک
• دا کلاؤڈ ڈور
• اوئے ایم ٹی وی دیٹ لیٹر بکیم بی پی ایل اوئے
• جنم کنڈلی
• رام شاسترا
• ریٹرن آف جیوئل تھیف