اننیا پانڈے

اننیا پانڈے
(ہندی : अनन्या पांडे)
معلومات شخصیت
ڄم	30 اکتوبر 1998ء (27 سال)  ممبئی
شہریت	بھارت
اکھیں دا رنگ	ڳھاٹا ٻھورا
والیں دا رنگ	کالا
قد	1.72 میٹر
وزن	55 کلو گرام
مذہب	ہندومت
پیو	چنکی پانڈے
عملی زندگی
مادر علمی	دھیروبھائی امبانی انٹرنیشنل اسکول
پیشہ	ادکارہ
	IMDB پر صفحہ

اننیا پانڈے بھارتی شہر ممبئی نال تعلق رکھݨ آلی سوشل میڈیا شخصیت، ماڈل، انسٹاگرام اسٹار تے اداکارہ ہے۔ انانیا ماضی دے معروف اداکار چنکی پانڈے دی دھی ہے۔ اننیا پانڈے دی وجہ شہرت بالی وڈ فلم "سٹوڈنٹ آف دی ائیر 2" تے فلم "پتی پتنی تے اوہ" بݨی، فلمیں وچ انہاں نے مرکزی کردار ادا کیتا ہے۔ ایں فلم دے ہدایت کار پونیت ملہوترا ہن۔ ایندے بعد اوہ مزاحیہ فلم "پتی پتنی تے اوہ" وچ مرکزی کردار وچ نظر آئین۔

ابتدائی زندگی

اننیا پانڈے 30 اکتوبر 1998 کوں بھارت دے ممبئی وچ پیدا تھئین۔ اوہ 80 تے 90 دے ݙہاکے دے مقبول اداکار چنکی پانڈے دی سب توں وݙی دھی ہن، انہاں دی ماء بھاونا پانڈے ماہر تعمیرات ہن۔ انھاں دی ہک نکی بھیݨ ریا پانڈے وی ہے۔ اننیا پانڈے نے دھیرو بھائی امبانی انٹرنیشنل سکول ممبئی توں ابتدائی تعلیم حاصل کیتی۔ ایندے بعد اوہ امریکا دے شہر لاس اینجلس دی یونیورسٹی آف ساؤدرن کیلیفورنیا وچ فیشن اسٹڈیز وچ داخلہ ڳھدا تے اتھوں توں گریجویشن دی سند حاصل کیتی۔ اوہ ماضی دی معروف تے سپر اسٹار اداکارہ سری دیوی دی دھی جھانوی کپور، سنجے کپور دی دھی شاہانہ کپور تے شاہ رخ خان دی دھی سہانا خان دی بچپن دی دوست ہے۔ انہاں کوں 2017 وچ پیرس وچ لا ویلی لومیئر، وینٹی فیئر دے لی بال ڈیس ڈوبٹنٹس ایونٹ وچ شرکت کیتے مدعو کیتا ڳیا ہئی تے اوہ ایں تقریب دی رکن ہن۔

دلچسپ حقائق

اننیا پانڈے دے ݙاݙا شراد پانڈے ہک معروف ماہر امراض قلب ہن تے ہندوستان وچ تبدیلی دل (Heart Transplant) دی پہلی کامیاب سرجری (کیم اسپتال وچ) انہاں نے ہی کیتی ہئی۔ کئی مشہور فلمی تے ٻئے شخصیات انھاں دے مریضوں وچ شامل رہین۔

فنی زندگی

فلمیں وچ آوݨ توں پہلے اننیا پانڈے نے شاہ رخ خان دی فلم "رئیس" وچ اسسٹنٹ ڈائریکٹر دی حیثیت نال کم کیتا۔ ایں توں پہلے وی اننیا پانڈے نے شاہ رخ خان دی فلم "مائی نیم از خان" وچ ہک مختصر دورانیے دے سین کیتے شامل تھئین، پر بدقسمتی نال فلم دی فائنل ایڈیٹنگ وچ ایں سین کوں شامل نہ کیتا ڳیا۔ سال 2018 وچ اننیا پانڈے کوں لو بیوٹی پراڈکٹس کمپنی لیکمے دی جانب توں ہندوستان دی مارکیٹنگ سفیر مقرر کیتا ڳیا ہئی۔

بھارتی فلمی صنعت دے اسٹوڈیو دھرما فلم پروڈکشن دے تحت بݨݨ آلی فلم "سٹوڈنٹ آف دی ائیر 2" اوہ پہلی فلم ہئی جیندے ذریعے اننیا پانڈے ہک اداکارہ دی حیثیت نال دنیا دی نظر وچ آئین۔ ایں فلم کوں ٹیِن فلم (یعنی ٻالیں توں وݙے تے نوجوانیں توں چھوٹی عمر دے لوک جیہڑے تیرہ توں انوی سال تک دے ہوندن) دی فلم آکھیا ویندے۔ ایں فلم دے ہدایت کار پونیت ملہوترا تے پروڈیوسر کرن جوہر ہن۔ ایں فلم وچ انہاں دے نال ٹائیگر شروف تے تارا سوتاریہ وی مرکزی کردار وچ ہن تے ایہ فلم 10 مئی 2019 کوں نمائش کیتے پیش کیتی ڳئی ہئی۔ سکرول ڈاٹ کام دے، نینڈینی رام ناتھ نے تبصرہ کریندے ہوئے لکھیا جو فلم وچ "محض گیمز تے کوئی لطف نہ ہئی" ولا وی اننیا پانڈے نے صلاحیت دا مظاہرہ کیتا۔ ₹ 978.1 ملین دی کمائی دے نال، فلم اچھی کارکردگی ݙکھاوݨ وچ ناکام رہی۔ اننیا پانڈے ایں سال فلم "پتی پتنی تے اوہ" (2019) وچ نظر آئین جیہڑی ایہو ناں دی 1978 وچ بݨݨ آلی فلم دا ریمیک ہئی، جیندے وچ کارتک آریان تے بھومی پیڈنیکر وی شامل ہن۔ پانڈے نے فلم وچ اصل فلم توں رنجیتا کور دا کردار پیش کیتا۔

ستمبر 2019 وچ، پانڈے نے سپر نیچرل تھرلر فلم "خالی پیلی" کیتے پرنسپل فوٹو گرافی دا آغاز کیتا، جیہڑی اداکار وجے دیورکونڈا دی 2018 دی تیلگو زبان دی ہارر فلم "ٹیکسی والا" دا ری میک ہئی۔ فلم وچ انھاں دے نال ایشان کھٹر وی نظر آئین