انضمام الحق

عظیم ملتان دے عظیم پتر سئیں اضمام الحق کرکٹ دے عظیم کھلاڑی ہِن۔ 3مارچ 1970ء کوں ملتان اچ پیدا تھئے۔ سجٖے ہتھ نال کھیݙݨ آلے مڈل آرڈر بلے باز تے کھٻے ہتھ دے سپن سلو بائولر ہن۔ ٹیسٹ کیرئیر 1992ء تا 1997ء تئیں 37میچ کھیڈیے، 2491رنز بݨائے ۔ سب توں ودھ اسکور 148، پنج سنچریاں ۔ ستاراں ففٹیاں ۔ 34کیچ گھٖدے، بولنگ نی کیتی۔ ون ڈے انٹرنیشنل اچ آپ دی کارکردگی ۔ 1992تاء 2007ء 137میچ کھیݙیے ، 4212 رنز بݨائے۔ سب توں ودھ اسکور 137ناٹ آئوٹ ہے۔ چار سنچریاں ۔ 29ففٹیاں ،33کیچ گھدے۔ نا قابل فراموش اننگز او ہے جݙاں انضمام الحق چھیویں نمبر تے آ تے ݙاڈھے بحران اچ پھسی ہوئی پاکستانی ٹیم کوں اپݨی دھواںدھار بیٹنگ تے شاندار چوکے چھکیاں نال اپݨی ٹیم کوں کامیابی ݙیوائی۔ ایںویلھے دے کپتان عمران خان آکھیا ہا ’’اے میچ صرف انضمام الحق دا ہے‘‘۔اڄ کل قومی کرکٹ بورڈ دے چیف سلیکٹر دے عہدے تے فائز ہِن ۔ سرائیکی وسیب کوں آپ تے ٻہوں فخر ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء