انجم لشاری

سئیں انجم لاشاری سرائیکی دے معروف شاعر سفیر لاشاری دے ٻال اِن۔ آپ محراب والا ڈیرہ نواب صاحب تحصیل احمد پور شرقیہ دے رہݨ والے ہن۔ پیشہ صحافت ہے۔ اَڄ کل کراچی رہندن۔ جدید افسانے دے نال جدید نظم وچ ٻہوں چنگی آہدن۔ انھاں دیاں علامتاں سنڄاپو تے وسیبی ہوندین۔

نظم دا نمونہ:

میݙا دل

رف کاپی دا کورا ورقہ

جہیں تے تساں

کئی شہکار افسانہ لکھیسو

تے ول

پھاڑ سٹیسو

(نوٹ : سئیں انجم لشاری 1997ء وچ اللہ سئیں کوں پیارے تھی ڳے انہاں دی وفات دے بعد انہاں دے ٻال شکیل انجم لشاری نے2001ء وچ ’’اکھیاں سسیّاں دے ناں‘‘ نال انہاں دا مجموعہ شائع کیتے جیڑھا نویں دور دی شاعری وچ ہک اہم ادبی اضافہ ہے۔)

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان