ام حبیبہ بنت عباس

ام حبیبہ بنت عباس
معلومات شخصیت
شوہر	اسود بن سفیان
اولاد	لبابہ ، زرقاء (بیٹیاں)
والد	عباس بن عبد المطلب
والدہ	لبابہ بنت حارث
بھائی	فضل ابن عباس ، عبد اللہ بن عباس ، عبید اللہ بن عباس ، قثم بن عباس

تعارف

تہاݙا ناں کِسے وی تاریخ دی کتاباں وچ کائنی مِلدا۔ تُساں اُمِّ حبیب یا اُمِّ حبیبہ دے ناں نال مشہور ہو۔ تُساں عمِ رسول (صلی اللہ علیہ وآلہ وسلم) حضرت عباس بن عبد المطلب دی دِھی ہو۔ تہاݙی والدہ اُمُّ المومنین میمونہ دی بہن اُمُّ الفضل لبابہ بنت حارث ہَن۔ تُساں حضرت عباس بن عبد المطلب دی زوجہ اُمِّ فضل توں اکلوتی دِھی ہو۔ تہاݙے حقیقی بھائیاں وچ حضرت فضل بن عباس، عبد اللہ بن عباس، عبید اللہ بن عباس، قثم بن عباس، عبد الرحمن بن عباس تے معبد بن عباس شامل ہَن۔

سلسلۂ نسب

انّھاں دا والد دی طرفوں سلسلۂ نسب اِیں طرح ہِے:

• اُمِّ حبیبہ بنت عباس بن عبد المطلب بن ہاشم بن عبد مناف

والدہ دی طرفوں سلسلۂ نسب اِیں طرح ہِے:

• اُمِّ حبیبہ بنت لبابہ بنت حارث بن حزن

حدیث وچ ذکر

حضرت عبد اللہ بن عباس توں روایت ہِے کہ رسول اللہ صلی اللہ علیہ وآلہ وسلم نے اُمِّ حبیب بنت عباس کوں اپݨے سامݨے ہتھوں چلدے ݙٹھا تاں فرمایا: "اگر اِیہ بالغ تھی ڳئی تے میں زندہ ریہا تاں (اپݨے چاچا دی خوشی کِیتے) اِیں نال نکاح کر گِھنساں۔" رسول اللہ صلی اللہ علیہ وآلہ وسلم تہاݙے بالغ تھیوݨ توں پہلے وفات پا ڳئے ہَن۔

رسول اللہ صلی اللہ علیہ وآلہ وسلم نے اُمِّ حبیبہ بنت عباس بن عبد المطلب نال نکاح دا پیام ݙِتّا، مگر بعد وچ معلوم تھیا کہ تُساں تے حضرت عباس ݙُدھ شریک بھائی ہو کیوں جو ݙوہاں نے ثوبیہ دا ݙُدھ پِیتا ہئی۔

شادی

تُساں نال اسود بن سفیان بن عبد الاسد نے نکاح کِیتا ہئی، جیندے توں تہاݙے ݙو دِھیاں لبابہ تے زرقاء پیدا تِھیاں۔ تُساں لوک مکہ وچ ہی قیام پزیر ہو۔