ام ایمن

برکہ بنت ثعلبہ
معلومات شخصیت
مدفن	جنت البقیع
دیگر نام	ام ایمن
شریک حیات	عبید بن زیاد زید بن حارثہ
اولاد	ایمن بن عبید (بیٹا) اسامہ بن زید (بیٹا)
والدین	ثعلبہ بن عمرو
عسکری خدمات
لڑائیاں اور جنگیں	غزوہ احد ،  غزوہ خیبر ،  غزوہ حنین

انّھاں دا ناں "برکہ" ہِے۔ تُساں حضور اقدس صلی اللہ تعالیٰ علیہ وآلہ وسلم دے والد ماجد حضرت عبداللہ رضی اللہ تعالیٰ عنہ دی باندی ہو۔ جو حضور اکرم صلی اللہ تعالیٰ علیہ وآلہ وسلم کوں تہاݙے والد ماجد دی میراث وچوں ملی ہَن۔ اُنّھاں نے حضور اکرم صلی اللہ تعالیٰ علیہ وآلہ وسلم دے بچپن وچ بہت زیادہ خدمت کِیتی ہِے۔ اِیہو تُساں کوں کھانا کھلایا کرݙے ہَن، کپڑے پہنایا کرݙے ہَن، کپڑے دھویا کرݙے ہَن۔ اعلانِ نبوت دے بعد جلد ہی اُنّھاں نے اسلام قبول کر گِھدّا۔ پِھر تُساں نے اپݨے آزاد کِیتے ہوئے غلام حضرت زید بن حارثہ رضی اللہ تعالیٰ عنہ نال اُنّھاں دا نکاح کر ݙِتّا۔ اُنّھاں دے بطن توں حضرت اسامہ رضی اللہ تعالیٰ عنہ پیدا تِھئے، جنہاں نال رسول اکرم صلی اللہ تعالیٰ علیہ وآلہ وسلم اِیݙّی زیادہ محبت فرمائیدے ہَن کہ عام طور تے صحابۂ کرام رضی اللہ تعالیٰ عنہم حضرت اسامہ رضی اللہ تعالیٰ عنہ کوں "محبوبِ رسول" آہدے ہَن۔ برکہ بنت ثعلبہ، جنہاں کوں عام طور تے اُمِّ ایمن دے ناں نال ڄاݨا ویندا ہِے، پیغمبرِ اسلام صلی اللہ علیہ وسلم دے والد بزرگوار عبد اللہ بن عبد المطلب دی خادمہ ہَن۔ حضور صلی اللہ علیہ وسلم دے منہ بولے پُتر زید بن حارثہ نال نکاح تِھیا تے خلافتِ عثمان غنی دے دَور وچ وفات پائی۔

ناں تے نسب

برکہ ناں، اُمِّ ایمن کنیت، اُمُّ الظباء عرف، سلسلۂ نسب اِیں طرح ہِے: برکہ بنت ثعلبہ بن عمرو بن حصن بن مالک بن سلمہ بن عمر و بن نعمان۔ حبشہ دی رہوݨ والی ہَن تے عبد اللہ (پدرِ آنحضرتﷺ) دی کنیز ہَن۔ بچپن توں عبد اللہ دے نال رہیں تے جِہڑیلے اُنّھاں نے انتقال کِیتا تاں حضرت آمنہ دے پاس رہوݨ لڳیں۔ اِیندے بعد خود سرورِ کائنات دے حلقۂ غلامی وچ داخل تھیوݨ دا شرف حاصل کِیتا۔ آنحضرتﷺ دی اُنّھاں نے پرورش تے پرداخت کِیتی ہئی۔

نکاح

حارث بن خزرج دے خاندان وچ عبید بن زید ہک شخص ہَن، اُمِّ ایمن دا اُنّھاں دے نال عقد تِھیا۔ پر جِہڑیلے اُنّھاں نے وفات پائی تاں آنحضرتﷺ نے زید بن حارثہ نال، جو محبوبِ خاص ہَن، نکاح پڑھایا۔ اِیہ بعثت دے بعد دا واقعہ ہِے۔  :

اسلام

زید بن حارثہ چونکہ مسلمان تھی ڳئے ہَن، اُمِّ ایمن نے وی اسلام قبول کِیتا۔

عام حالات

جِہڑیلے مسلماناں نے حبشہ دی طرف ہجرت کِیتی تاں اوہ وی ڳئے تے اُتّھوں ہجرت دے بعد مدینہ واپس آئے۔ غزوۂ اُحد وچ شرکت کِیتی۔ اِیں موقع تے اوہ لوکاں کوں پاݨی پِلاندے ہَن تے زخمیاں دی تیمار داری کریندے ہَن۔ غزوۂ خیبر وچ وی شریک تِھئے۔ 11ھ وچ آنحضرتﷺ نے انتقال فرمایا تاں اُمِّ ایمن سخت مغموم ہَن تے رو رہیں ہَن۔ ابوبکر تے عمر رضی اللّٰہ عنہما نے سمجھایا کہ رسول اللہ ﷺ کِیتے خدا دے پاس بہتر چیز موجود ہِے۔ جواب مِلیا: "اِیہ چنگّی طرحاں معلوم ہِے۔" تے اِیہ رووݨ دا سبب وی کائنی، رووݨ دا اصل سبب اِیہ ہِے کہ ہُݨ وحی دا سلسلہ منقطع تھی ڳیا ہِے۔ ابوبکر رضی اللّٰہ عنہ تے عمر رضی اللّٰہ عنہ پر اِیں جواب دا اِیݙّا اثر تِھیا کہ اوہ وی اُنّھاں دے نال مِل کے زار و قطار رووݨ لڳے۔ 23ھ وچ عمر بن خطاب رضی اللّٰہ عنہ نے شہادت پائی، اُمِّ ایمن کوں معلوم تِھیا تاں بہت روئے۔ لوکاں نے آکھا: "ہُݨ کیوں روویندے ہو؟" بولیے: "ہُݨ اِیں کِیتے کہ اسلام کمزور پے ڳیا ہِے۔"

وفات

اُمِّ ایمنؓ 20 سال تک حضرت زید بن حارثہؓ دے نکاح وچ رہیں۔ تقریباً 12 سال مکّے وچ تے لڳ بھڳ 8 سال مدینہ منورہ وچ ݙوہاں میاں بیوی دِن رات آنحضرتﷺ دی خدمت تے مامور رہے۔ جنگِ موتہ وچ حضرت زیدؓ دی شہادت دے بعد اُنّھاں نے نکاح کائنی کِیتا۔ حضرت عثمانؓ دی خلافت دے ابتدائی دَور وچ مدینہ منورہ وچ وفات پائی تے جنت البقیع وچ تدفین تِھئی۔