امیلیا بلومر

امیلیا بلومر
معلومات شخصیت
پیدائش	27 مئی 1818ء
وفات	30 دسمبر 1894ء (76 سال)  کونسل بلفس
شہریت	ریاستہائے متحدہ امریکا
عملی زندگی
پیشہ	حقوق نسوان کی کارکن ،  صحافی ،  مصنفہ ،  خواتین کے حق رائے دہی کی حامی
اعزازات
نیشنل ویمنز ہال آف فیم (1995)

امیلیا بلومر (27 مئی 1818ء - 30 دسمبر 1894ء) ہک امریکی نسائیت پسند زنانی ہَن۔ سینیما فالز وِچ واقع انّھاں دا گھر "امیلیا بلومر ہاؤس" دے ناں نال ڄاتا ویندے، جیڑھا 1980ء وِچ "نیشنل رجسٹر آفس ہسٹورک پلیسز" وِچ شامل کِیتا ڳیا۔ 1848ء وِچ تھیوݨ والے زنانیاں دے حقوق دے پہلے کنونشن، سنیکا فالز کنونشن وِچ وی انّھاں نے حصہ گِھدّا۔ انّھاں نے زنانیاں دے پہلے اخبار "دا للی" دی ادارت شروع کِیتی، ایہ اخبار 1853ء تک شائع تِھیندا رہیا تے ایندی اشاعتی تعداد چار ہزار تک پُڄ ڳئی ہئی۔

امیلیا بلومر دا خیال ہئی کہ زنانیاں دے حقوق دی آواز اُٹّھاوݨ دا سب توں وَدھ چَنڳا ذریعہ انّھاں دی تحریر ہے۔ ایں اخبار دے ذریعے، امیلیا بلومر نے زنانیاں دے ایویں لباس دی تجویز پیش کِیتی، جیڑھا انّھاں دے روزمرہ کمّاں وِچ رکاوٹ دا باعث نہ بݨے۔ ایں دے نتیجے وِچ، الزبتھ ملر نے 1851ء وِچ ایویں ٹراؤزر بݨایا، جیڑھا اُتّوں کُھلا تے ٹخنے تے بند ہئی تے ایندے نال چھوٹی سکرٹ یا جیکٹ پہنی ویندی ہئی۔ ایہ لباس ملز دی کزن سٹینٹس پَہن کے امیلیا بلومر دے کول آیا، جیڑھیں ایں کوں فوراً اپݨا گِھدّا تے اپݨے اخبار دے ذریعے ایندی ترویج شروع کر ݙِتّی۔ ایہ لباس امیلیا بلومر دے ناں تے "بلومرز" آکھیا ونڄݨ لڳا۔ البتہ، امیلیا بلومر کوں وی 1859ء وِچ ایہ ترک کرݨا پِیا کیونکہ اخبارات تے گلیاں وِچ ایندا مذاق اُڑایا ڳیا۔

امیلیا بلومر نے نبراسکا تے آئیووا وِچ زنانیاں دے ووٹ دے حق دی تحریک وی چَلائی تے 1871ء توں 1873ء تک اوہ لوا وویمن سفرج ایسوسی ایشن دی صدر رہئی۔