امیر عبد اللہ روکڑی

امیر عبداللہ روکڑی وسیب دے عظیم سیاستدان ہن، آپ 10جون 1916ء کوں قصبہ روکڑی ضلع میانوالی اچ نیازی خاندان اچ پیدا تھئے۔ ابے سئیں دا ناں محمد حیات خان ہئی ۔ 1937ء اچ کالج لاہور اچ داخل تھئے۔ ایں ویلھے مسلم اسٹوڈنٹس فیڈریشن دی بنیاد رکھی ونجٖ چکی ہئی۔کالج دے ٻنہاں طالب علماں دے نال قومی سرگرمیاں اچ حصہ گھندے رہ ڳے۔ ایف اے دا  امتحان پاس کرݨ دے بعد واپس میانوالی چلے ڳے۔ سیاست اچ بھرپور حصہ گھدا تے ممبر اسمبلی بݨدے رہ ڳئے ۔1947ء  اچ فسادات دے ہنگامیاں تے قیام پاکستان دے بعد جہاد کشمیر اچ آپ دی خدمات دے اعتراف اچ 1948ء اچ حکومت پنجاب دی طرفوں ’’تحریک پاکستان گولڈ میڈل‘‘ ݙتا ڳیا۔ روکڑی خاندان ’’ ٹرانسپورٹ نائکوں‘‘ دے لقب نال یاد کیتا ویندا ہے۔ انہاں دی نیو خان ٹرانسپورٹ کمپنی تے نیو خان روڈ پاکستان دی صف اول دی ٹرانسپورٹ کمپنی شمار کیتی ویندی ہے۔ایں خاندان دیاں پاکستان سانگے ٻہوں خدمتاں ہِن پر تاریخ یا نصاب دی کتاب اچ کوئی ذکر کینھی، شئیت ایندی وجہ وسیب دے علاقے میانوالی نال تعلق ہے۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء