امیر شریعت تے ملتان
ملتان دی زمین کو ں ایہ شرف حاصل رہے جو اتھاں زندگی وچ کارہائے نمایاں انجام ݙیوݨ دی حامل شخصیات ہر دور وچ تشریف گھن آندیاں رہن۔ تے اتھائیں پیوند خاک تھی ڳن۔جتھاں شخصیات کوں شہراں تے نازہوندے اتھاں شہراں کوں وی اپݨے ساکناں تے ناز ہوندے تے ہر ݙو ہک ݙوجھے دا تعارف بݨدے چلے امدن۔ امیر شریعت سید عطا اللہ شاہ بخاریؒ او خطیب بے بدل ہن جو انہاں دے مخالف وی انہاں دی ایں حیثیت دا لوہا منیندے ہن۔
انہاں دی زندگی دا ہک لمٻا حصہ قید و بند دی صعوبتاں سہوݨ وچ گزرے تے انہاں دے پیراں وچ ذرا وی لغزش پیدا نہ کر سڳیا 20 ویں صدی دی 20 ویں دہائی وچ انہاں ہندوستان دے طول و عرض وچ انہا ں دی خطابت تے آزادی پسندی دی وجہ نال شہرت حاصل ہئی تے او ارض ہند دے دور دراز دے علاقیاںوچ ونجٖ کے لوکاں کوں جڳیندے ہن تے فرسودہ تے غیر اسلامی رسماں دی ادائیگی توں باز راہوݨ دی تلقین فرمیندے ہن۔ انہاں تے کئی واری قاتلانہ حملے وی تھئے جڈݨ جو او اپݨے مقاصد دی تکمیل وچ برابر کوشاں رہے۔ 1922ء وچ ملتان وچ مسلم پہلا ہندو فساد تھئے جیندے اثرات سارے ہندوستان تے پین۔ فضا فرقہ وارانہ تعصب نال مکدر تھی ڳئی تے آزادی پسند حلقیاں وچ اینکوں وݙی تشویش نال ݙٹھا ڳیا ۔ ستمبر 1924ء وچ کوہاٹ وچ ہندو مسلم فساد تھیا اے ملتان تے ݙوجھے شہراں وچ لڑائی جھیڑیاں دی باز گشت تھئی۔ سید عطاء اللہ شاہ ٻہوں متاثر تھئے تے انہاں نے ملک دی لڑائی جھیڑیاں دی صورت حال دی ذمہ واری انگریز حکمراناں تے پاتی تے اپݨی شعلہ بیانی نال سارے ہندوستان کوں اوندے پس منظر بارے ݙسیا۔توݨیں جو سید عطا اللہ شاہ بخاری پنجابی الاوݨ آلے ہن ول وی انہاں پنجاب دے انگریز دوست کردار دے خلاف بھرپور نظم لکھی جیڑھی انہاندی کتاب ساطعہ وچ وی شائع تھئی۔ اے ڳال ݙسی ونجٖاں جو شاہ صاحب خواجہ فرید دی شان وچ منقبت وی لکھی ۔
حوالہ
[لکھو | ماخذ وچ تبدیلی کرو]کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء