امیر الملک مینگل
| امیر الملک مینگل | |
|---|---|
| چیف جسٹس بلوچستان | |
| مدت منصب
17 نومبر 1996 – 21 اپریل1999 | |
| معلومات شخصیت | |
| ڄم | 4 مارچ 1945ء (80 سال) |
| مذہب | اسلام |
| عملی زندگی | |
| مادر علمی | جامعہ کراچی |
| پیشہ | وکیل |
بلوچستان دے ممتاز وکیل، جج تے ݙو دفعہ صوبے دے گورنر رہے۔
ڄم
[لکھو | ماخذ وچ تبدیلی کرو]جسٹس امیر الملک مینگل 13 اپریل 1945ء کوں نوشکی وچ ڄمیے ہن ۔
تعلیم
[لکھو | ماخذ وچ تبدیلی کرو]جامعہ کراچی توں ایم اے سیاسیات تے ایل ایل بی اسلامیہ لا کالج کراچی توں 1968ء وچ کیتا۔
ماہر قانون
[لکھو | ماخذ وچ تبدیلی کرو]1972ء وچ بلوچستان ہائی کورٹ وچ وکالت کرݨ لڳے۔ بار ایسوسی ایشن نال وی وابستہ رہے۔ 17 نومبر 1996ء توں 12 اپریل 1999ء تک چیف جسٹس بلوچستان ہائی کورٹ رہے۔
گورنر بلوچستان
[لکھو | ماخذ وچ تبدیلی کرو]ݙو دفعہ صوبے دے گورنر رہے۔ پہلی دفعہ 1997ء وچ تے ولا 25 اکتوبر 1999ء توں 29 جنوری 2003ء تک گورنر بلوچستان دے عہدے تے فائز رہے۔
ادبی زندگی
[لکھو | ماخذ وچ تبدیلی کرو]جسٹس ریٹائرڈ امیر الملک مینگل دا شمار براہوئی دے ترقی پسند ادیباں وچ تھیندا ہے۔ امیر الملک مینگل براہوئی ادب دے ݙوڄھے دور دی پہلی لڑی دے ادیب تے شاعر ہن۔ انہاں دا پہلا شعری مجموعہ "جورنا پھل" 1992ء وچ شائع تھیا۔ ݙوجھی کتاب "چلہ نا تو بے" 1997ء وچ زمرد پبلی کیشنز توں شائع تھئی۔