امیرالدین صابر

اصل ناں    امیرالدین

تخلص       صابرؔ

ڄمݨ        1962ء

جاہ پتہ      مظفر ڳڑھ شہر

امیرالدین صابرؔیکم دسمبر1962ء کوں مظفر ڳڑھ دی ہک  وستی وچ پیدا تھئے،ایف اے تک تعلیم حاصل کیتی۔توڑے جو آپ دی مادری زبان پنجابی ہئی پر اوہ سرائیکی وچ یاد گار شاعری کر ڳین۔انہاں دے بٖہوں سارے اشعار اڄ وی زبان زدِعام ہن۔صابرؔ مرݨ دے ݙا دا جوان نہ ہا پر افسوس جو اوہ جوانی وچ ای لقمہ اجل بݨ ڳیا۔

نمونہ کلام

؎فرشتے شان والے ہن مگر اسمان اُچّا ہے

اساں انسان ہیں یارو اساݙا شان اُچّا ہے

ہے میݙے پتر دی خواہش جو کھیݙاں نال تاریں دے

میں تارے تاں لہا آندا مگر اسمان اُچّا ہے

تو فتویٰ تاں پیا ݙیندیں مگر اے سوچ گھن مفتی

تیݙی اے دار جھکی ہے میݙا ایمان اُچّا ہے

٭٭٭